മനാമ: തിരുനബി (സ) ജീവിതം ദർശനം എന്ന പ്രമേയത്തിൽ ഒരുമാസം നീളുന്ന ഐ.സി.എഫ് മീലാദ് കാമ്പയിനിന്റെ ഭാഗമായി വിവിധ സെൻട്രൽ യൂനിറ്റ് കമ്മിറ്റികൾ സംഘടിപ്പിക്കുന്ന മദ്ഹു റസൂൽ സമ്മേളനങ്ങൾക്ക് നാളെ തുടക്കമാവും.
വ്യാഴാഴ്ച രാത്രി എട്ടിന് ഉമ്മുൽ ഹസം സെൻട്രൽ സമ്മേളനം ബാങ്കോക്ക് ഹാളിൽ നടക്കും. മൗലിദ് പാരായണം, കുട്ടികളുടെ കലാപരിപാടികൾ, ദഫ് പ്രദർശനം എന്നിവ സമ്മേളനത്തിന്റെ ഭാഗമായി നടക്കും. ഐ.സി.എഫ് റഫ സെൻട്രൽ മീലാദ് സമ്മേളനം 14 ന് വൈകീട്ട് ഏഴിന് സനദ് ബാബാ സിറ്റി ഹാളിലും ശനി 6 മണിക്ക് മനാമ സെൻട്രൽ മാർക്കറ്റ് സുന്നി സെന്ററിലും, രാത്രി 8 ന് ഗുദൈബിയ സെൻട്രൽ മീലാദ് സമ്മേളനം ഹൂറ ചാരിറ്റി ഹാളിലുമാണ് നടക്കുക.
15ന് ഉച്ചക്ക് സൽമാബാദ് അൽ ഹിലാൽ ഓഡിറ്റോറിയം, രാത്രി മുഹറഖ് ജംഇയ്യ ഓഡിറ്റോറിയത്തിലുമാണ് മീലാദ് കോൺഫൻസുകൾ സംഘടിപ്പിച്ചിരിക്കുന്നത്. 16 ന് ഹമദ് ടൗൺ, 19 ന് ഇസാ ടൗൺ, 18 ന് സിത്ര, 20 ന് മനാമ എന്നിവിടങ്ങളിലും മീലാദ് സമ്മേളനങ്ങൾ നടക്കും. പരിപാടികളിൽ പ്രമുഖ പണ്ഡിതനും വാഗ്മിയുമായ താത്തൂർ ഇബ്രാഹിം സഖാഫി മുഖ്യാതിഥിയാവും. അറബി പ്രമുഖരും മറ്റു പണ്ഡിതന്മാരും സാമൂഹിക സാംസ്കാരിക രംഗത്തെ പ്രമുഖരും സംബന്ധിക്കും.കാമ്പയിനിന്റെ ഭാഗമായി വിവിധ കേന്ദ്രങ്ങളിൽ മൗലിദ് മജ്ലിസ്, സ്നേഹ സന്ദേശം, ജീനിയസ് ടോക്ക്.
മീലാദ് യൂത്ത് ഫെസ്റ്റ്, മാസ്റ്റർ. മൈന്റ് പ്രോഗ്രാം, കാലിഗ്രഫി മത്സരം, നബി സ്നേഹ പ്രഭാഷണങ്ങൾ,, മദ്ഹു റസൂൽ സമ്മേളനങ്ങൾ, മദ്സ ഫെസ്റ്റ്, ഇന്റർനാഷനൽ മീലാദ് കോൺഫറൻസ് എന്നിവ നടക്കും.മീലാദ് സമ്മേളനങ്ങൾക്ക് സമാപനം കുറിച്ച് സെപ്റ്റംബർ 22ന് സൽമാബാദ് ഗൾഫ് എയർ ഹാളിൽ ഇന്റർനാഷനൽ മീലാദ് കോൺഫറൻസും ഐ.സി.എഫ് ബഹ്റൈൻ 45 -ാം വാർഷിക ഉദ്ഘാടനവും നടക്കും. സമ്മേളനങ്ങളിൽ അറബി പ്രമുഖരും ദേശീയ നേതാക്കളും പണ്ഡിതരും സംബന്ധിക്കും. കാന്തപുരം എ.പി. അബൂബക്കർ മുസ്ലിയാരുടെ ആത്മകഥ വിശ്വാസപൂർവം ബഹ്റൈൻ എഡിഷൻ പ്രകാശനവും ചടങ്ങിൽ നടക്കുമെന്നും സ്വാഗത സംഘം ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.