ഹോപ് പ്രീമിയർ ലീഗ് -ക്യാപ്റ്റൻസ് മീറ്റിൽനിന്ന്
മനാമ: ഹോപ് ബഹ്റൈൻ സംഘടിപ്പിക്കുന്ന ‘ഹോപ് പ്രീമിയർ ലീഗ്, സീസൺ -2’ സിഞ്ചിലെ അൽ അഹ് ലി സ്റ്റേഡിയത്തിൽ നവംബർ എട്ടിന് നടക്കും. വെള്ളിയാഴ്ച പകലും രാത്രിയുമായി നടക്കുന്ന സോഫ്റ്റ് ബാൾ ക്രിക്കറ്റ് ടൂർണമെന്റിൽ പ്രമുഖ അസോസിയേഷനുകൾ ഏറ്റുമുട്ടും.
പത്തനംതിട്ട ജില്ല പ്രവാസി അസോസിയേഷൻ, വോയ്സ് ഓഫ് ആലപ്പി, കൊല്ലം പ്രവാസി അസോസിയേഷൻ, കോട്ടയം പ്രവാസി കൂട്ടായ്മ, പാക്ട് ബഹ്റൈൻ -പാലക്കാട്, ഗ്ലോബൽ തിക്കോടിയൻസ് ഫോറം, കെ.എം.സി.സി കാസർകോട്, തലശ്ശേരി ബഹ്റൈൻ, പ്രതിഭ ബഹ്റൈൻ, പി.എൽ.ബി കൂട്ടായ്മ- ബഹ്റൈൻ, വോയ്സ് ഓഫ് മാമ്പ- കണ്ണൂർ, ലാൽ കെയേഴ്സ് -ബഹ്റൈൻ എന്നീ ടീമുകളാണ് മത്സരിക്കുന്നത്.
ടൂർണമെന്റിൽ പങ്കെടുക്കുന്ന വിവിധ അസോസിയേഷൻ ഭാരവാഹികളുടെയും ടീം ക്യാപ്റ്റന്മാരുടെയും മീറ്റിങ് കലവറ റസ്റ്റാറന്റിൽ നടന്നു. ഹോപ് എക്സിക്യൂട്ടിവ് അംഗം സാബു ചിറമേൽ സ്വാഗതം ആശംസിച്ചു. യോഗത്തിൽ സെക്രട്ടറി ജോഷി നെടുവേലിൽ ഹോപ്പിന്റെ പ്രവർത്തനങ്ങളെക്കുറിച്ച് വിവരിച്ചു. ഹോപ് പ്രീമിയർ ലീഗ് കൺവീനർ അൻസാർ മുഹമ്മദ്, കോഓഡിനേറ്റർ സിബിൻ സലിം എന്നിവർ നിയമാവലികളെക്കുറിച്ച് വിവരിച്ചു.
ഹോപ് പ്രീമിയർ ലീഗിന്റെ വിജയത്തിനായി എല്ലാ അസോസിയേഷൻ പ്രതിനിധികളും പൂർണ പിന്തുണ വാഗ്ദാനം ചെയ്തു. എക്സിക്യൂട്ടിവ് അംഗം ഷാജി എളമ്പിലായി നന്ദി അറിയിച്ചു. ബി.എം.സിയുമായി സഹകരിച്ചാണ് ഹോപ് പ്രീമിയർ ലീഗ് സംഘടിപ്പിച്ചിരിക്കുന്നത്. ബഹ്റൈൻ ക്രിക്കറ്റ് ഫെഡറേഷനും ബ്രോസ് ആൻഡ് ബഡ്ഡീസ് ക്രിക്കറ്റ് ടീമും ഹോപ് പ്രീമിയർ ലീഗിൽ പങ്കാളിയാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.