മനാമ: ഗൾഫ് മാധ്യമം ഏപ്രിൽ 12 ന് സംഘടിപ്പിക്കുന്ന ഹാർമോണിയസ് കേരളയുടെ വിളംബരമായി മാർച്ച് 29 ന് സനാബീസ് ലുല ു ഹൈപ്പർമാർക്കറ്റിൽ കുട്ടികളുടെ വിവിധ തലങ്ങളിലായി ചിത്രരചന മത്സരം സംഘടിപ്പിക്കും. ഒന്ന്: പ്രായം അഞ്ച് മുതൽ ഒമ്പത് വയസ് പൂർത്തിയാകാത്തവർ വരെ. രണ്ട്: ഒമ്പത് മുതൽ 12 വയസ് പൂർത്തിയാകാത്തവർവരെ. മൂന്ന്: 12 മുതൽ 15 വയസ് പൂർത്തിയാകാത്തവർ വരെ. നാല്: 15 മുതൽ 18 വയസ് തികയാത്തവർവരെ. കാറ്റഗറി ഒന്നിന് ചിത്രത്തിന് നിറം കൊടുക്കൽ മത്സരമായിരിക്കും. ഇവർക്ക് ചിത്രമുള്ള പേപ്പർ മത്സര സമയത്ത് നൽകും. മറ്റുള്ളവർക്ക് വിഷയം: അതിരുകളില്ലാത്ത മാനവികത. കളർ പെൻസിൽ, ക്രയോൺസ്, വാട്ടർ കളർ എന്നിവ ഉപയോഗിക്കുന്നവർ ഇവയെല്ലാം കൊണ്ടുവരേണ്ടതാണ്. ഡ്രോയിങ് കടലാസ് സംഘാടകർ നൽകും. പേര് രജിസ്ട്രേഷൻ ഒാൺലൈൻ വഴിയായിരിക്കും. വിശദ വിവരങ്ങൾ അടുത്തദിവസം ഗൾഫ് മാധ്യമത്തിൽ പ്രസിദ്ധീകരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.