മനാമ: കുഴഞ്ഞുവീണ പ്രവാസി മലയാളി ആശുപത്രിയിൽ മരിച്ചു. പട്ടാമ്പി കരുമ്പുള്ളി പരേതനായ പുലാവുള്ളിപ്പറമ്പില്‍ അലവി മകന്‍ ഇബ്രാഹീം (47) ആണ് മരിച്ചത്. കഴിഞ്ഞ 14 വര്‍ഷമായി ബഹ്‌റൈനില്‍ ഉള്ള ഇബ്രാഹീം ഇത്തിഹാദ് ക്ലബ്ബില്‍ ആണ് ജോലി ചെയ്തിരുന്നത്. കഴിഞ്ഞ ഞായറാഴ്ച രാത്രി താമസ സ്ഥലത്തേക്ക് പോകവേ കുഴഞ്ഞു വീണ ് അബോധവസ്ഥയിലായതിനെ തുടർന്ന് സൽമാനിയ മെഡിക്കൽ കോംപ്ലക്സിൽ പ്രവേശിപ്പിച്ചിരിക്കുകയായിരുന്നു. മാതാവ് ബീവിക്കുട്ടി ഭാര്യ ആരിഫ മക്കള്‍ അമീര്‍ അര്‍ശിദ, അസ്മ. സഹോദരങ്ങള്‍: അബ്ദുല്‍ഖാദര്‍, മുഹമ്മദാലി സഹോദരിമാര്‍: ആയിഷ,ഫാത്തിമ്മ, ആമിന, നഫീസ. മൃതദേഹം നാട്ടിലേക്കയക്കാന്‍ ഉള്ള നടപടി ക്രമങ്ങള്‍ ബഹ്‌റൈന്‍ കെ.എം.സി.സി മയ്യിത്ത് പരിപാലന കമ്മിറ്റിയുടെയും, കെ.എം.സി.സി പാലക്കാട് ജില്ലാ കമ്മിറ്റിയുടെയും, നേതൃത്വത്തില്‍ നടന്നു വരുന്നതായി നേതാക്കൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.