കെ.എം.സി.സി ബഹ്റൈൻ കോഴിക്കോട് ജില്ല കമ്മിറ്റി സംഘടിപ്പിക്കുന്ന സി.എച്ച് അനുസ്മരണ സമ്മേളനത്തിൽ പങ്കെടുക്കാൻ
ബഹ്റൈനിലെത്തിയ എം.സി വടകര, ആലിയ ഹമീദ് ഹാജി, പി.പി. ജാഫർ എന്നിവർക്ക് ബഹ്റൈൻ എയർപോർട്ടിൽ നൽകിയ സ്വീകരണം
മനാമ: മുൻ മുഖ്യമന്ത്രിയും മുസ്ലിം ലീഗ് നേതാവുമായിരുന്ന സി.എച്ച് മുഹമ്മദ് കോയ അനുസ്മരണ സമ്മേളനം ഏഴിന് രാത്രി എട്ടുമണിക്ക് മനാമ കെ.എം.സി.സി ഹാളിൽ നടക്കും.
കെ.എം.സി.സി ബഹ്റൈൻ കോഴിക്കോട് ജില്ല കമ്മിറ്റിയാണ് സംഘടിപ്പിക്കുന്നത്. ചരിത്രകാരനും മുസ്ലിം ലീഗ് സെക്രട്ടേറിയറ്റ് മെംബറുമായ എം.സി വടകര മുഖ്യാതിഥിയായി സംബന്ധിക്കും. പരിപാടിയിൽ മുസ്ലിം ലീഗ് സംസ്ഥാന സെക്രട്ടറി പാറക്കൽ അബ്ദുല്ല, കെ.എം.സി.സി ബഹ്റൈൻ പ്രസിഡന്റ് ഹബീബ് റഹ്മാൻ, മുസ്ലിം ലീഗ് വടകര മണ്ഡലം ജനറൽ സെക്രട്ടറി പി.പി. ജാഫർ എന്നിവർ പങ്കെടുക്കും.
പരിപാടിയുടെ അന്തിമരൂപം നൽകാൻ ചേർന്ന ജില്ല ഭാരവാഹികളുടെ യോഗത്തിൽ പ്രസിഡന്റ് ഷാജഹാൻ പരപ്പൻ പൊയിൽ അധ്യക്ഷത വഹിച്ചു. പി.കെ. ഇസ്ഹാഖ്, കെ.കെ. സുബൈർ, നസീം പേരാമ്പ്ര, റസാഖ് ആയഞ്ചേരി, അഷ്റഫ് തൊടന്നൂർ, മുഹമ്മദ് ഷാഫി, മൊയ്ദീൻ പേരാമ്പ്ര, മുനീർ ഒഞ്ചിയം, മുഹമ്മദ് സിനാൻ, ലത്തീഫ് വരിക്കോളി, റഷീദ് വാല്ല്യക്കോട് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.