ബ്രേവ് സി.എഫ് 57 ഫൈനൽ മത്സരത്തിൽ ബ്രാഡ് കറ്റോണയെ വിജയിയായി പ്രഖ്യാപിക്കുന്നു
മനാമ: ബ്രേവ് കോംബാറ്റ് ഫെഡറേഷൻ ബാന്‍റംവെയ്റ്റ് മത്സരത്തിന്റെ ഫൈനലിൽ ബഹ്റൈന്റെ മിക്സഡ് മാർഷ്യൽ ആർട്സ് (എം.എം.എ) സൂപ്പർതാരം ഹംസ കൂഹേജിക്ക് പരാജയം. ആവേശകരമായ ഫൈനൽ മത്സരത്തിൽ കാനഡയുടെ ബ്രാഡ് കറ്റോണയാണ് ബഹ്റൈൻ താരത്തെ തോൽപിച്ച് കിരീടം ചൂടിയത്.
അഞ്ച് റൗണ്ട് നീണ്ട പോരാട്ടത്തിനൊടുവിലാണ് 'പ്രൈഡ് ഓഫ് ബഹ്റൈൻ' എന്ന് വിളിക്കപ്പെടുന്ന ഹംസ കൂഹേജി തോൽവി സമ്മതിച്ചത്.
ഈസ ടൗണിലെ ഖലീഫ സ്പോർട്സ് സിറ്റി അറീനയിൽ തിങ്ങിനിറഞ്ഞ ആരാധകരുടെ പിന്തുണയോടെ പോരാടിയ കൂഹേജി നേരിയ വ്യത്യാസത്തിനാണ് പുറത്തായത്. ബ്രേവ് ഇന്‍റർനാഷനൽ കോംബാറ്റ് വീക്കിന്റെ ഭാഗമായാണ് ബ്രേവ് സി.എഫ് 57 മത്സരം അരങ്ങേറിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.