മനാമ: നിയമ മേഖലയില് സൗദി അറേബ്യയുമായി സഹകരണം മെച്ചപ്പെടുത്താന് ആഗ്രഹിക്കുന്നതായി നീതിന്യായ-ഇസ്ലാമിക കാര്യ-ഒൗഖാഫ് മന്ത്രി ശൈഖ് ഖാലിദ് ബിന് അലി ആല് ഖലീഫ വ്യക്തമാക്കി. ബഹ്റൈന് സന്ദര്ശനത്തിന് എത്തിയ സൗദി നിയമ മേഖലയിലെ പ്രതിനിധി സംഘത്തെ സ്വീകരിച്ച് സംസാരിക്കുകയായിരുന്നു അദ്ദേഹം. സൗദി നിയമകാര്യ മന്ത്രാലയ ഉപദേഷ്ടാവും സുപ്രീം ജുഡീഷ്യല് കൗണ്സില് ചെയര്മാനുമായ ശൈഖ് ഡോ. അബ്ദുല് ഹാദി ബിന് അലി അല്ഖദീറിെൻറ നേതൃത്വത്തിലുള്ള സംഘമാണ് കഴിഞ്ഞ ദിവസം ബഹ്റൈനിൽ എത്തിയത്. ഇരുരാജ്യങ്ങളും തമ്മില് നിലനില്ക്കുന്ന ശക്തമായ സാഹോദര്യ ബന്ധവും വിവിധ മേഖലകളിലെ സഹകരണവും ചര്ച്ച ചെയ്തു.
ബഹ്റൈന് സൗദി നല്കിക്കൊണ്ടിരിക്കുന്ന പിന്തുണ ഏറെ അഭിമാനകരമാണെന്ന് മന്ത്രി പറഞ്ഞു. വിവിധ മേഖലകളില് സൗദി കൈവരിച്ച നേട്ടം തുല്യതയില്ലാത്തതാണെന്നും അദ്ദേഹം വിലയിരുത്തി. കൂടുതല് മെച്ചപ്പെട്ട ഭാവി സൗദി അറേബ്യക്ക് ഉണ്ടാകുമെന്നാണ് പ്രതീക്ഷിക്കുന്നത്. സൗദി ഭരണാധികാരി കിങ് സല്മാന് ബിന് അബ്ദുല് അസീസ് ആല് സുഊദിെൻറ നേതൃത്വം സൗദിക്ക് വലിയ കരുത്ത് നല്കിയെന്നും അദ്ദേഹം കൂട്ടിച്ചേര്ത്തു. മന്ത്രാലയത്തിലെ നിയമകാര്യ അണ്ടര് സെക്രട്ടറി വാഇല് റാഷിദ് ബൂഅലായ്, ഉന്നത ഉദ്യോഗസ്ഥര് തുടങ്ങിയവര് കൂടിക്കാഴ്ചയില് സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.