പ്രശസ്ത തിരക്കഥാകൃത്ത് 'എസ്.എൻ.സ്വാമി ' ആദ്യമായി സംവിധാനം ചെയ്യുന്ന ചിത്രമാണ് ദിസീക്രട്ട്. മെഗാസ്റ്റാർ മമ്മൂട്ടിയാണ് ചിത്രത്തിന്റെ പേര് ഔദ്യോഗികമായി പ്രഖ്യാപിച്ചത്. സിനിമയുടെ ചിത്രീകരണം കൊച്ചി, പാലക്കാട്, പൊള്ളാച്ചി, പഴനി, തഞ്ചാവൂർ എന്നിവിടങ്ങളിലായി ഇതിനകം പൂർത്തിയായിട്ടുണ്ട്.
ലഷ്മി പാർവ്വതി ഫിലിംസിന്റെ ബാനറിൽ രാജേന്ദ്രപ്രസാദാണ് ഈ ചിത്രം നിർമ്മിക്കുന്നത്.ആത്മവിശ്വാസമാണ് ഈ ചിത്രത്തിന്റെ അടിത്തറയെന്നതാണ് അടിവരയിട്ട് ഈ ചിത്രത്തിലൂടെ പറയുന്നത്. ബുദ്ധിയും, ശാസ്ത്രവും വിശ്വാസവുമൊക്കെ ഈ ചിത്രത്തിലെ പ്രധാന ഘടകമാണന്ന് വ്യക്തമാക്കുന്നു. പൂർണ്ണമായും ത്രില്ലർ മൂഡിലാണ് ചിത്രം ഒരുങ്ങുന്നത്.
ധ്യാൻ ശ്രീനിവാസൻ, കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രത്തിൽ അപർണ്ണാ ദാസാണ് നായിക. രൺജി പണിക്കർ, രഞ്ജിത്ത്, ഗ്രിഗറി, സ്മിനു സിജോ, ആർദ്ര എന്നിവരാണ് ചിത്രത്തിലെ മറ്റുതാരങ്ങൾ.
സംഗീതം - ജെയ്ക്ക് ബിജോയ്സ്,ഛായാഗ്രഹണം - ജാക്സൺ ജോൺസൺ,കലാസംവിധാനം - സിറിൾ കുരുവിള,കോസ്റ്റ്യും - ഡിസൈൻ -സ്റ്റെഫി സേവ്യർ,മേക്കപ്പ് -സിനൂപ് രാജ്,ചീഫ് അസ്സോസ്സിയേറ്റ് ഡയറക്ടർ -ശിവരാമകൃഷ്ണൻ,പ്രൊഡക്ഷൻ കൺട്രോളർ - അരോമ മോഹൻ, വാഴൂർ ജോസ് എന്നിവരാണ് ചിത്രത്തിലെ മറ്റു അണിയറപ്രവർത്തകർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.