ലാലു അലക്സ് പ്രധാന വേഷത്തില് എത്തുന്ന പുതിയ ചിത്രം ഇമ്പത്തിന്റെ ടൈറ്റിൽ പോസ്റ്റർ പുറത്ത്.ബെംഗളൂരു ആസ്ഥാനമായ മാമ്പ്ര സിനിമാസിന്റെ ബാനറില് ഡോ.മാത്യു മാമ്പ്ര നിര്മ്മിച്ചിരിക്കുന്ന സിനിമയുടെ തിരക്കഥയെഴുതി സംവിധാനം ചെയ്യുന്നത് ശ്രീജിത്ത് ചന്ദ്രനാണ്.
ബ്രോ ഡാഡിയ്ക്ക് ശേഷം ലാലു അലക്സ് പ്രധാന വേഷത്തിൽ അഭിനയിക്കുന്ന ചിത്രമാണ് "ഇമ്പം " ദീപക് പറമ്പോൽ , മീര വാസുദേവ്, ദര്ശന സുദര്ശന് , ഇര്ഷാദ് എന്നിവരാണ് മറ്റു പ്രധാന വേഷങ്ങൾ ചെയ്യുന്നത്. കലേഷ് രാമാനന്ദ് (ഹൃദയം ഫെയിം), ദിവ്യ എം നായര്, ശിവജി ഗുരുവായൂര്, നവാസ് വള്ളിക്കുന്ന്, വിജയന് കാരന്തൂര്, മാത്യു മാമ്പ്ര, ഐ.വി ജുനൈസ്, ജിലു ജോസഫ്, സംവിധായകരായ ലാല് ജോസ്, ബോബന് സാമുവല് തുടങ്ങിയവരും ചിത്രത്തില് മറ്റു കഥാപാത്രങ്ങളെ അവതരിപ്പിക്കുന്നു.
ഒരു പഴയകാല പബ്ലിഷിംഗ് ഹൗസിന്റെ നടത്തിപ്പുകാരനായ കരുണാകരന്റെയും അയാളുടെ സ്ഥാപനത്തില് അവിചാരിതമായി കടന്നു വരുന്ന കാര്ട്ടൂണിസ്റ്റ് ആയ നിധിന് എന്ന ചെറുപ്പക്കാരന്റെയും ജീവിതത്തില് ഉണ്ടാകുന്ന രസകരമായ സംഭവങ്ങള് നര്മ്മത്തിലൂടെ അവതരിപ്പിക്കുന്ന ചിത്രം ഒരു മുഴുനീള ഫാമിലി എന്റര്ടൈനര് ആയാണ് പ്രദര്ശനത്തിന് എത്തുക. അതിരനിലെ പവിഴമഴ പോലെയുള്ള മനോഹരഗാനങ്ങള്ക്ക് ഈണം പകര്ന്ന ജയഹരി ഒരുക്കുന്ന നാല് ഗാനങ്ങള് ചിത്രത്തിലുണ്ടാവും. എറണാകുളം, കാലടി, പറവൂര്, തൈക്കാട്ടുശ്ശേരി, മൂവാറ്റുപുഴ, കോഴിക്കോട് എന്നിവിടങ്ങളിലാണ് ലൊക്കേഷന്.
ഛായാഗ്രഹണം: നിജയ് ജയന്, എഡിറ്റിംഗ്: കുര്യാക്കോസ് കുടശ്ശെരില്, സൗണ്ട് ഡിസൈന്: ഷെഫിന് മായന്, സംഗീതം: ജട.ജയഹരി, ഗാനരചന: വിനായക് ശശികുമാര്, ആര്ട്ട്: ആഷിഫ് എടയാടന്, കോസ്ട്യൂം: സൂര്യ ശേഖര്, മേക്കപ്പ്: മനു മോഹന്, പ്രൊഡക്ഷന് കണ്ട്രോളര്: അബിന് എടവനക്കാട്, അസോസിയേറ്റ് ഡയറക്ടര്: ജിജോ ജോസ്. പി ആർ ഓ മഞ്ജു ഗോപിനാഥ്,ഡിസൈന്സ് : ഷിബിന് ബാബു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.