'ഇനി ഞാൻ സബീനയല്ല, പൂർണ ഹിന്ദു സ്വത്വം നേടി'; ഗസറ്റ്​ നോട്ടിഫിക്കേഷൻ പങ്കുവച്ച്​ നടി

ത​െൻറ പേര്​ ഒൗദ്യോഗികമായി മാറ്റിയെന്ന്​ നടി ലക്ഷ്​മിപ്രിയ. സബീന ലത്തീഫ്​ എന്ന രേഖകളിലെ പേരാണ്​ ലക്ഷ്​മിപ്രിയ എന്ന്​ മാറ്റിയത്​. ഫേസ്​ബുക്ക്​ പേജിലൂടെ നടിതന്നെയാണ്​ വിവരം പങ്കുവച്ചത്​. 'ഒരു പേരിൽ എന്തിരിക്കുന്നു എന്ന ചിന്ത കൊണ്ടു നടന്നിരുന്ന എ​െൻറയാ പഴയ പേര് ഞാൻ ഉപേക്ഷിച്ചിരിക്കുന്നു. നീണ്ട 18 വർഷം ഞാൻ സബീന ആയിരുന്നു. 19 വർഷമായി ഞാൻ ലക്ഷ്​മിപ്രിയയും'-അവർ കുറിച്ചു. ഗസറ്റ്​ നോട്ടിഫിക്കേഷ​െൻറ കോപ്പിയും കുറിപ്പിനൊപ്പം പങ്കുവച്ചിട്ടുണ്ട്​.

'കല്ലെറിഞ്ഞതിനും ആർത്തു വിളിച്ചതിനും നിങ്ങളോട് എനിക്ക് തീർത്താൽ തീരാത്ത നന്ദിയുണ്ട്. കാരണം നിങ്ങളുടെ ആ കല്ലെറിയൽ കൊണ്ടാണ് പൂർണ്ണമായും ഹിന്ദു എന്ന എ​െൻറ സ്വത്വം രേഖാമൂലം അങ്ങനെ തന്നെ ആവട്ടെ എന്ന് ഞാൻ തീരുമാനിക്കുന്നത്'-അവർ സമൂഹമാധ്യമത്തിൽ കുറിച്ചു.

സംഘപരിവാർ അനുഭാവം പലപ്പോഴും ലക്ഷ്​മിപ്രിയയെ ചുറ്റിപ്പറ്റിയുള്ള വിവാദങ്ങള്‍ക്ക് ഇടയാക്കിയിട്ടുണ്ട്. കഴിഞ്ഞ നിയമസഭാ തെരഞ്ഞെടുപ്പിലെ കനത്ത തോൽവിക്ക് പിന്നാലെ ബി.ജെ.പിയെയും എ.ബി.വി.പിയെയും പുകഴ്ത്തി നടി  രംഗത്തെത്തിയിരുന്നു. ബി.ജെ.പി സീറ്റ് നേടിയാലും ഇല്ലെങ്കിലും താൻ എന്നും സംഘപുത്രി ആയിരിക്കും. മരണം വരെ ബി.ജെ.പിക്ക് വോട്ട് ചെയ്യുമെന്നും അവർ ഫേസ്​ബുക്കിൽ കുറിച്ചു. ജയപരാജയങ്ങളുടെ പേരിൽ ആരെല്ലാം പ്രസ്ഥാനത്തെ വിട്ടുപോയാലും താ൯ എന്നും പ്രസ്ഥാനത്തോടൊപ്പം ഉണ്ടാകുമെന്നുമാണ് ലക്ഷ്​മി അന്ന്​ എഴുതി.തുടർന്ന്​ നടിയുടെ ഭൂതകാലം ചികഞ്ഞെടുത്ത്​ വിമർശകരും രംഗത്തുവന്നു. അങ്ങിനെയാണ്​ സബീന ലത്തീഫ്​ എന്ന പേരും മതംമാറ്റവുമെല്ലാം സമൂഹമാധ്യമങ്ങളിൽ ചർച്ചാവിഷയമായത്​.

വിവാദങ്ങളെ തുടർന്ന്​ ത​െൻറ മതംമാറ്റവുമായി ബന്ധപ്പെട്ട വിശദീകരണവുമായി അവർ രംഗത്തുവന്നിരുന്നു​. വിവാഹത്തിന് മുമ്പ് തന്‍റെ പേര് സബീന എ. ലത്തീഫ് എന്നായിരുന്നുവെന്ന് വ്യക്തമാക്കിയ ഇവർ പിന്നീട്​ സബീന ജയേഷ്​ എന്ന്​ പേര്​ മാറ്റിയതായും പറഞ്ഞിരുന്നു. എന്നാൽ കലാരംഗത്ത്​ ഇവർ ലക്ഷ്​മിപ്രിയ എന്നാണ്​ അറിയപ്പെട്ടിരുന്നത്​. തന്‍റെ കുടുംബത്തെയും വിദ്യാഭ്യാസ യോഗ്യതയെയും കുറിച്ചും ഫേസ്ബുക്ക് പോസ്റ്റിൽ വിവരിച്ചിരുന്നു. 16 വയസ് മുതൽ പ്രഫഷനൽ നാടക നടിയായിരുന്നുവെന്നും ഹിന്ദു ആചാര പ്രകാരമാണ് പട്ടണക്കാട് പുരുഷോത്തമന്‍റെ മകൻ ജയേഷിനെ വിവാഹം കഴിച്ചതെന്നും അവർ വെളിപ്പെടുത്തിയിട്ടുണ്ട്​.