ഒരു കുന്ന്
റോഡു പുതച്ചുറങ്ങുന്നു,
പുറത്താക്കപ്പെട്ട
കിളികൾ,
പൂക്കൾ,
ഓടിയൊളിക്കാനാവാത്ത
കുഞ്ഞു മൃഗങ്ങൾ
തുമ്പികൾ
കുന്നിനെ
ഉമ്മവെയ്ക്കാൻ
തുടങ്ങുമ്പോൾ
ശൂന്യതയിൽ തട്ടി
മറിഞ്ഞു വീഴുന്നു.
മരങ്ങൾ,
കുറ്റിച്ചെടികൾ,
മരിച്ചവരുടെ
പട്ടികയിൽ പേരില്ലാതെ
അനാഥരായവർ.
നാളെ,
ഉറങ്ങുന്ന കുന്നിനെ
ഒരു മയിൽ കൂകി വിളിച്ചാൽ...?
ഉണർന്ന്,
സ്വത്വം തേടി
നടന്നു പോകാതിരിക്കാൻ
ഉറങ്ങുന്ന കുന്നിന്
അതിർത്തികെട്ടി
ചങ്ങലക്കിട്ട്
കാവലൊരുക്കിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.