ആമത്ത്

മ​യ​ങ്ങി​ക്കി​ട​ക്കു​ന്ന നി​ശ്ശബ്ദ​ത​ക്കു​മേ​ൽ ആ​മ​ത്തി​ന്റെ ശ​ബ്ദം വീ​ണു​ട​ഞ്ഞു. ഉ​റ​ക്ക​ച്ച​ട​വി​ലാ​ണ് പു​റ​ത്തേ​ക്ക് ത​ല​യി​ട്ട് നോ​ക്കി​യ​ത്. വ​ർ​ഷ​ങ്ങ​ൾ​ക്കു മു​മ്പ് അ​മ്മ നി​ലം തു​ട​ക്കാ​നെ​ന്നു പ​റ​ഞ്ഞ് മാ​റ്റി​വെ​ച്ച​തി​ൽ​പ്പെ​ട്ട നീ​ളം തീ​രെ​യും കു​റ​ഞ്ഞ ന​ര​ച്ച നൈ​റ്റി​യാ​യി​രു​ന്നു അ​വ​ളു​ടെ വേ​ഷം. വി​ണ്ടു​കീ​റി​യ ചു​ണ്ടു​ക​ളും ജ​ട​പി​ടി​ച്ച മു​ടി​യും പീ​ള​കെ​ട്ടി​ മ​യ​ങ്ങി​യ ക​ണ്ണു​ക​ളും മു​ഷി​ഞ്ഞ വ​സ്ത്ര​വും നാ​റ്റ​വു​മു​ള്ള വൃ​ദ്ധ​യാ​യ സ്ത്രീ.

​അ​മ്മ​ക്ക് അ​വ​ളോ​ട് വ​ല്യ താ​ൽപ​ര്യ​മൊ​ന്നു​മു​ണ്ടാ​യി​രു​ന്നി​ല്ല. ആ​മ​ത്ത് വ​ല്ല​പ്പോ​ഴും വീ​ട്ടി​ൽ വ​രും ഏ​ച്ചി​യേ ഏ​ച്ചി​യെ എ​ന്ന് ഉ​ച്ച​ത്തി​ൽ വി​ളി​ക്കും. മൂ​ന്നോ നാ​ലോ വി​ളി​ക​ൾ​ക്കുശേ​ഷം നി​ശ്ശബ്ദ​ത​യി​ലേ​ക്ക് സ്വ​യം ഒ​ടു​ങ്ങ​പ്പെ​ട്ട് ഉ​മ്മ​റ​ത്തി​ണ്ണ​യി​ൽ വെ​റു​തേ​യി​രി​ക്കും. അ​വ​ൾ അ​പൂ​ർ​വ​മാ​യാ​ണ് മ​നു​ഷ്യ​രെ സ​ന്ദ​ർ​ശി​ക്കു​ക. ആ​രും അ​വ​ളെ ആ​ട്ടി​യോ​ടി​ക്ക​ാറി​ല്ല. ചി​ല​ർ ചി​ല്ല​റ​ത്തുട്ടു​ക​ൾ ഇ​ട്ടു​കൊ​ടു​ക്കും, മ​റ്റു​ചി​ല​ർ ഭ​ക്ഷ​ണ​മോ വ​സ്ത്ര​മോ ന​ൽ​കും.

ഉ​റ​ക്ക​ച്ചട​വോ​ടെ ഞാ​നും അ​ൽ​പ​സ​മ​യം അ​വ​ളെ​യും നോ​ക്കി ജ​നാ​ല​ക്ക​ൽ​നി​ന്നു. പിന്നെ പു​റ​ത്തേ​ക്കി​റ​ങ്ങി ന​ട​ന്നു. ല​ക്ഷ്യ​മി​ല്ലാ​ത്ത പെ​രു​വ​ഴി​ക​ൾ ക​ഴി​ഞ്ഞ കു​റെ നാ​ളു​ക​ളാ​യി എ​നി​ക്ക് മു​ന്നി​ൽ നീ​ണ്ടു​നി​വ​ർ​ന്നു കി​ട​ക്കു​ക​യാ​ണ്. ഉ​ള്ള ന​ല്ലൊ​രു ജോ​ലി വേ​​െണ്ട​ന്ന് ​െവ​ച്ചാ​ണ് കാ​ല​ങ്ങ​ളാ​യി മ​ന​സ്സി​ൽ കു​റി​ച്ചി​ട്ട നോ​വ​ൽ എ​ഴു​തി തീ​ർ​ത്ത​ത്. പ്ര​സാ​ധ​ക​രു​ടെ മ​റു​പ​ടി​ക്കാ​യി അ​ക്ഷ​മ​യോ​ടെ കാ​ത്തി​രി​ക്കു​ന്ന​തും, തി​ര​സ്‌​ക​രി​ക്ക​പ്പെ​ടു​ന്ന​തും നി​രാ​ശ​യു​ടെ പ​ടു​കു​ഴി​യി​ൽ വീ​ഴ്ത്താ​തി​രി​ക്കാ​ൻ ല​ക്ഷ്യ​മി​ല്ലാ​ത്ത യാ​ത്ര​ക​ൾ പോം​വ​ഴി​യാ​യി മാ​റി​യി​രി​ക്കു​ക​യാ​ണ്. ഞാ​ൻ മു​റ്റം ക​ട​ക്കു​മ്പോ​ഴും ആ​മ​ത്ത് അ​വ​ളു​ടെ ഇ​രി​പ്പ് തു​ട​രു​ക​യാ​യി​രു​ന്നു.

പ​ത്തു​ പ​ന്ത്ര​ണ്ട് വ​ർ​ഷ​ങ്ങ​ൾ​ക്കു മു​മ്പ് ആ​മ​ത്തി​ന്റെ സ്ഥി​തി വ്യ​ത്യ​സ്ത​മാ​യി​രു​ന്നു. ഒ​രു വീ​ട്ടി​ലും അ​വ​ൾ​ക്ക് പ്ര​വേ​ശ​ന​മി​ല്ലാ​യി​രു​ന്നു. ആ​മ​ത്തി​നൊ​പ്പം അ​ന്നെ​ല്ലാം അ​വ​ളു​ടെ അ​മ്മ മേ​ത്ത​മ്മ​യും കാ​ണും. ര​ണ്ടു ഭ്രാ​ന്തി​ക​ളു​ടെ പ്ര​പ​ഞ്ച​ത്തി​ൽ മ​റ്റു​ ജീ​വ​ജാ​ല​ങ്ങ​ൾ ഉ​ണ്ടാ​യി​രു​ന്നി​ല്ലാ​ത്ത​തു പോ​ലെ​ത്ത​ന്നെ അ​വ​രും ആ​ർ​ക്കും വേ​ണ്ടാ​ത്ത ര​ണ്ടു ജീ​വി​ക​ളാ​യി​രു​ന്നു. ഇ​രു​ട്ടി​ൽ പൊ​ന്ത​ക്കാ​ടു​ക​ൾ​ക്കി​ട​യി​ൽ ര​ണ്ടു​ ക​ണ്ണു​ക​ൾ തി​ള​ങ്ങി. അ​ട​ക്കി​പ്പി​ടി​ച്ച ചി​രി​ക​ൾ പ​തി​യെ ചി​ത​റി.

ആ​രൊ​ക്കെ​യോ ഭ​ക്ഷ​ണ​പ്പൊ​തി​ക​ൾ അ​വ​ർ​ക്കു​നേ​രെ​യെ​റി​ഞ്ഞു. എ​ന്നി​ട്ടും മേ​ത്ത​മ്മ മ​രി​ച്ച​ത് വി​ശ​ന്നി​ട്ടാ​ണ്. മേ​ത്ത​മ്മ​യു​ടെ ഈ​ച്ച പ​റ​ക്കു​ന്ന ശ​രീ​രം ആ​ർ​ക്കും വി​ട്ടു​ന​ൽ​കാ​തെ കാ​വ​ലി​രു​ന്ന ആ​മ​ത്തി​ന്റെ രൂ​പം ഇ​ന്നും എ​ന്റെ ഓ​ർ​മ​ക​ളി​ൽനി​ന്നും മാ​ഞ്ഞു​പോ​യി​ട്ടി​ല്ല. പി​ന്നെ എ​ന്നു​മു​ത​ലാ​ണ് ആ​മ​ത്തി​ന്റെ സ്ഥി​തി​ക​ൾ മാ​റിത്തുട​ങ്ങി​യ​ത്. ആ​ട്ടി​യോ​ടി​ക്ക​പ്പെ​ടാ​ൻ പാ​ടി​ല്ലാ​ത്ത ഭാ​ഗ്യ​ത്തി​ന്റെ വാ​ഹ​ക​യാ​യി അ​വ​ൾ മാ​റിത്തുട​ങ്ങി​യ​ത്..?

മേ​ത്ത​മ്മ​യു​ടെ മ​ര​ണ​ശേ​ഷം ആ​മ​ത്തൊ​രി​ക്ക​ലും ഗ്രാ​മ​ത്തി​ന് പു​റ​ത്തേ​ക്കി​റ​ങ്ങി​യി​ല്ല. നാ​ട്ടു​വ​ഴി​ക​ളി​ലും പാ​ത​യോ​ര​ങ്ങ​ളി​ലും അ​വ​ളൊ​രു സ്ഥി​ര​സാ​ന്നി​ധ്യ​മാ​യി മാ​റി. പ​ക​ലു​ക​ൾ​ക്കും രാ​ത്രി​ക​ൾ​ക്കും മു​ക​ളി​ലൂ​ടെ ആ​മ​ത്ത് ഒ​ഴു​കിന​ട​ന്നു. ഈ ​വ​ലി​യ ഭൂ​മി​യി​ൽ​നി​ന്നും ആ​മ​ത്ത് മാ​ത്രം മാ​റ്റ​ങ്ങ​ൾ സ്വീ​ക​രി​ച്ചി​ല്ല. അ​വ​ൾ നി​റ​മു​ള്ള നി​ലാ​വു​ക​ളെ സ്വ​പ്നം ക​ണ്ടി​രി​ക്ക​ണം, പ​ക്ഷേ ഭ്രാ​ന്തി​ന്റെ നി​ശ്ച​യ​മി​ല്ലാ​ത്ത ദി​ന​രാ​ത്ര​ങ്ങ​ളെ ജീ​വി​തം ആ​മ​ത്തി​നുവേ​ണ്ടി ക​രു​തി​​െവ​ച്ചു. ആ​മ​ത്ത് ന​ട​ന്നു, വെ​ളി​പാ​ടി​ന്റെ ച​വി​ട്ട​ടി​ക​ൾ അ​വ​ൾ​ക്ക് പി​ന്നി​ൽ അ​രൂ​പ​മാ​യി പി​ന്തു​ട​ർ​ന്നു.

ആ​മ​ത്ത് അ​പൂ​ർ​വ​മാ​യി മാ​ത്രം ചി​ല വീ​ടു​ക​ളി​ലേ​ക്ക് ക​ട​ന്നു ചെ​ന്നു. ഏ​ച്ചി​യെ, ഏ​ച്ചി​യെ... ഉ​ച്ച​ത്തി​ലു​ള്ള വി​ളി​ക​ൾ. ആ​മ​ത്ത് ക​ട​ന്നു​ചെ​ല്ലു​ന്ന വീ​ടു​ക​ളി​ൽ ഭാ​ഗ്യം ക​ട​ാക്ഷി​ക്ക​പ്പെ​ടു​ന്നു എ​ന്ന​ത് കാ​ല​ത്തി​ന്റെ മാ​യാ​ജാ​ല​മാ​യി​രി​ക്കാം. അ​മ്മ ആ​മ​ത്തി​ന് ഭ​ക്ഷ​ണം ന​ൽ​കു​മോ..?

അ​മ്മ​ക്ക് അ​വ​ളോ​ട് ക​രു​ണ​യു​ണ്ടെ​ന്ന് തോ​ന്നി​യി​ട്ടി​ല്ല. നി​റ​ത്തി​ന്റെ പേ​രി​ൽ വി​വാ​ഹ​ ക​മ്പോ​ള​ത്തി​ൽ ചേ​ച്ചി​ക്ക് അ​വ​ഗ​ണ​ന​ക​ൾ അ​ന​വ​ധി നേ​രി​ടേ​ണ്ടി വ​ന്നി​രുന്ന കാ​ലം. വ​രു​ന്ന​വ​ർ​ക്കൊ​ന്നും പെ​ണ്ണി​നെ ബോ​ധി​ക്കു​ന്നി​ല്ല. ആ​മ​ത്തൊ​രു ഭാ​ഗ്യ​മാ​യി വീ​ടി​ന് മു​ൻ​വ​ശ​മി​രു​ന്ന ഒ​രു ദി​വ​സം കാ​ണാ​ൻ എ​ത്തി​യ കൂ​ട്ട​ർ​ക്ക് പെ​ണ്ണി​നെ ബോ​ധി​ച്ചു. ആ ​വി​വാ​ഹം ന​ട​ന്നു. ആ​മ​ത്തി​നും പ്ര​തി​ഫ​ല​മു​ണ്ടാ​യി​രു​ന്നു. പ​ഴ​കി​യ നൈ​റ്റി​യും വി​വാ​ഹ ഭ​ക്ഷ​ണ​വും അ​മ്മ​യെ​ന്നെ ഏ​ൽ​പി​ച്ചു. സ​ന്ധ്യ​ക്ക് പൊ​ന്ത​ക്കാ​ടി​ന്റെ അ​രി​കി​ലേ​ക്ക് പൊ​തി​ക്കെട്ടു​ക​ൾ ​െവ​ച്ച് മ​ട​ങ്ങു​മ്പോ​ൾ എ​ന്റെ ഉ​ള്ളി​ൽ നി​റ​ഞ്ഞ​ത് പു​ച്ഛ​മാ​യി​രു​ന്നോ?

ആ​മ​ത്തി​നുവേ​ണ്ടി ഭ​ക്ഷ​ണ​പ്പൊ​തി കൈ​യി​ൽക്കരു​തി തി​രി​കെ ന​ട​ന്നു. അ​വ​ൾ ചി​ല​പ്പോ​ൾ പൊ​ന്ത​ക്കാ​ടു​ക​ളി​ലേ​ക്ക് മ​ട​ങ്ങിപ്പോയി​രി​ക്കാം. അ​ല്ലെ​ങ്കി​ൽ, ഉ​മ്മ​റത്തിണ്ണ​യി​ൽ കാ​ത്തി​രി​ക്കു​ന്നു​ണ്ടാ​കാം. ആ​മ​ത്ത് ഇ​രു​ന്ന​യി​ടം ശൂ​ന്യ​മാ​യി കി​ട​ന്നു. കൈ​യി​ൽ വാ​ങ്ങി ക​രു​തി​യ ഭ​ക്ഷ​ണ​പ്പൊ​​തി​യി​ലേ​ക്ക് അ​മ്മ രൂ​ക്ഷ​മാ​യി നോ​ക്കി. ഞാ​ൻ മു​റി​യി​ലെ ക​യ​റി​പ്പോയി. ഫാ​നി​ന്റെ ച​ല​ന​വും നോ​ക്കി ഏ​റെനേ​രം ക​ട്ടി​ലി​ൽ അ​ന​ങ്ങാ​തെ കി​ട​ന്നു. മേ​ശ​ക്ക് മു​ക​ളി​ലെ ഭ​ക്ഷ​ണ​പ്പൊ​​തി​യി​ൽനി​ന്നും ചൂ​ട് പ​തി​യെ ഇ​റ​ങ്ങി​പ്പോ​യി. എ​ന്തോ എ​ഴു​ത​ണ​മെ​ന്ന് ഉ​ള്ള് തു​ടി​ച്ചു.

ലാ​പ് എ​ടു​ത്ത് മേ​ശ​ക്ക് മു​ക​ളി​ലേ​ക്ക് വെ​ക്കു​മ്പോ​ൾ ഏ​തോ കോ​ണി​ൽനി​ന്നും നി​ർ​ജീ​വ​മാ​യ തേ​ങ്ങ​ൽ. എ​ഴു​താ​ൻ ക​ഴി​ഞ്ഞി​ല്ല. ഒ​രു മ​ഹാ​ത്ഭു​തം മെ​യി​ലാ​യി വ​ന്നു​കി​ട​ക്കു​ന്നു. നോ​വ​ൽ പ്ര​സി​ദ്ധീക​രി​ക്കാ​ൻ ത​യാ​റാ​ണെ​ന്ന് അ​റി​യി​ച്ചു​കൊ​ണ്ടു​ള്ള പ്ര​മു​ഖ പ്ര​സാ​ധ​ക​രു​ടെ മ​റു​പ​ടി​യാ​ണ്.

സ​ന്തോ​ഷ​ത്തി​നൊ​പ്പം ദുഃ​ഖ​ത്തി​ന്റെ പി​ടി​യി​ലേ​ക്ക് സ്വ​യം സ​മ​ർ​പ്പി​ക്കു​ന്നു. മേ​ശ​പ്പു​റ​ത്തി​രി​ക്കു​ന്ന പൊ​തി​ച്ചോ​റി​ലേ​ക്ക് ഞാ​ൻ വി​ര​ലു​ക​ൾ ച​ലി​പ്പി​ച്ചു. പെ​ട്ടെ​ന്ന് ഇ​റ​ങ്ങി പു​റ​ത്തേ​ക്ക് ന​ട​ന്നു. ആ​മ​ത്ത് എ​വി​ടെ കാ​ണും? സ്ഥി​ര​പ്പെ​ടാ​ത്ത പൊ​ന്ത​ക്കാ​ടു​ക​ളി​ൽ എ​വി​ടെ​യോ അ​വ​ൾ വി​ശ്ര​മി​ക്കു​ക​യാ​യി​രി​ക്കാം.

അ​വ​ൾ​ക്ക് ചു​റ്റും അ​നേ​കാ​യി​രം കാ​ക്ക​പ്പൂവു​ക​ൾ വി​രി​യു​ന്നു​ണ്ടാ​കാം. പേ​ടി​യോ​ടെ ദുഃ​ഖ​ത്തോ​ടെ പൂ​വു​ക​ൾ ആ​മ​ത്തി​ന് കാ​വ​ൽ നി​ൽ​ക്കു​ക​യാ​യി​രി​ക്കും. ആ​മ​ത്തി​നെ തേ​ടി ന​ട​ക്കു​ന്ന​ത് എ​ന്തി​നാ​ണ്..? ആ​രോ ഉ​ള്ളി​ലി​രു​ന്ന് വി​ല​ക്കു​ന്നു തു​ട​ർ​ച്ച​യാ​യ സം​വാ​ദ​ങ്ങ​ൾ. എ​ന്നി​ട്ടും വ​ഴി മു​റി​യു​ന്നി​ല്ല. അ​ക​ത്ത്‌ പൊ​ടി​യു​ന്ന​ത് സ​ഹ​താ​പം മാ​ത്ര​മാ​യി​രി​ക്ക​ണം, അ​ല്ല​യെ​ങ്കി​ൽ അ​വ​ളു​ടെ ഭാ​ഗ്യ​വി​ൽ​പന​യി​ൽ​നി​ന്ന് പ​ങ്ക് പ​റ്റി​യ​തി​ന്റെ ക​ട​പ്പാ​ട്.

ന​ട്ടു​ച്ച​യു​ടെ പൊ​ള്ള​ൽ മൂ​ർ​ച്ഛി​ച്ച് വീ​ഴു​ന്ന വ​ഴി​ക​ളി​ൽ മ​നു​ഷ്യ​ർ ഒ​ഴി​ഞ്ഞുകി​ട​ന്നു. ആ​രും മു​റി​ച്ചുക​ള​യാ​ൻ മെ​ന​ക്കെ​ടാ​ത്ത നി​ശ്ശബ്ദ​ത​ക്ക് മു​ക​ളി​ലൂ​ടെ ആ​മ​ത്തി​നെ​യും തേ​ടി ഞാ​ൻ അ​ല​ഞ്ഞു. ഭ്രാ​ന്തി​യാ​യ മേ​ത്ത​മ്മ പി​ഴ​ച്ചു​പെ​റ്റ സ​ന്ത​തി​യാ​ണ​ത്രെ ആ​മ​ത്ത്. ഭ്രാ​ന്തി​ക്ക് പി​ഴ പ​റ്റു​മോ? നി​ദ്ര​യു​ടെ നി​ഴ​ലി​ൽ ഒ​രു ഭ്രാ​ന്തി​യു​ടെ ഉ​ദ​ര​ത്തി​ലേ​ക്ക് പു​തി​യൊ​രു ജീ​വി​തം നി​ക്ഷേ​പി​ച്ച​വ​ന്റെ ഭ്രാ​ന്തി​ന്റെ സ​ന്ത​തി​യാ​ണ് ആ​മ​ത്ത്. മേ​ത്ത​മ്മ പെ​റ്റ​ത് കൊ​ണ്ടു​മാ​ത്രം ആ​മ​ത്ത് ഭ്രാ​ന്തി​യാ​കു​മോ..?

ആ​ർ​ക്കു​മാ​രോ​ടും സ്നേ​ഹ​മി​ല്ലാ​ത്ത സ്വാ​ർ​ഥ​മാ​യ ലോ​ക​ത്തി​ന്റെ സ​ന്ത​തി​യാ​ണ് ആ​മ​ത്തി​ന്റെ ഭ്രാ​ന്ത്. ഒ​രു​പ​ക്ഷേ ഭ്രാ​ന്തി​ന്റെ മൂ​ടു​പ​ടം. പൊ​ന്ത​ക്കാ​ടു​ക​ളൊ​​ക്കെയും ഒ​ഴി​ഞ്ഞുകി​ട​ന്നു. ദൂ​രെ​യെ​വി​ടെ നി​ന്നോ ചൂ​ടുകാ​റ്റ് മ​ന​ക്ലേ​ശം നി​റ​ച്ചുത​രു​ന്നു. പ​ണ്ട് പ​ണ്ട് എ​ന്നാ​രോ ക​ഥപ​റ​യു​ന്നു. ഉ​ച്ച​യു​ടെ ചൂ​ടെ​ന്നെ ബാ​ധി​ച്ചി​ല്ല. സാ​യാ​ഹ്ന​ത്തി​ന്റെ ചു​രു​ളു​ക​ൾ പി​ടി​മു​റു​ക്കും വ​രെ​യും ഞാ​ൻ ആ​മ​ത്തി​നെ തേ​ടി അ​ല​ഞ്ഞു.

ആ​മ​ത്തി​നെ ക​ണ്ടെ​ത്താ​ൻ ഇ​നി ഒ​രി​ക്ക​ലു​മെ​നി​ക്ക് ക​ഴി​ഞ്ഞെ​ന്നു വ​രി​ല്ല. അ​ല്ലാ​യെ​ങ്കി​ൽ ആ​മ​ത്ത് എ​ന്റെ എ​ഴു​ത​പ്പെ​ട്ട നോ​വ​ലി​ലെ ഏ​ക ക​ന്യ​ക മാ​ത്ര​മാ​യി​രു​ന്നി​രി​ക്ക​ണം. വൃ​ദ്ധ​യാ​യ ക​ന്യ​ക. അ​വ​ൾ​ക്ക് മു​ക​ളി​ലൂ​ടെ കാ​ലം മാ​ത്രം സ​ഞ്ച​രി​ക്കു​ന്നു. എ​ഴു​തു​ന്ന വേ​ള​യി​ൽ അ​വ​ളെ​ന്റെ കാ​മു​കി​യാ​യി​രു​ന്നി​രി​ക്കാം. എ​നി​ക്കുവേ​ണ്ടി ഒ​ടു​വി​ലെ ഭാ​ഗ്യ​ത്തി​ന്റെ ചും​ബ​ന​വും ബാ​ക്കിെവ​ച്ച് ക​ട​ന്നു​പോ​യ​വ​ൾ. ഞാ​ൻ വീ​ട്ടി​ലേ​ക്ക് ന​ട​ന്നു. പൊ​ന്ത​ക്കാ​ടു​ക​ളി​ലേ​ക്ക് ആ​രോ ഭ​ക്ഷ​ണ​പ്പൊ​തി​ക​ൾ വ​ലി​ച്ചെ​റി​യു​ന്നു. പ​ഴ​കി​യ വ​സ്ത്ര​ങ്ങ​ൾ ആ​മ​ത്തിനെ​യും കാ​ത്തുകെ​ട്ടി​ കി​ട​ക്കു​ന്നു. ആ​ളു​ക​ളു​ടെ ആ​ഗ്ര​ഹ​ങ്ങ​ൾ സ​ഫ​ലീക​രി​ക്ക​പ്പെ​ടു​ന്നു... ലോ​ക​ത്തി​ന് മു​ഴു​വ​ൻ ഭ്രാ​ന്തി​ന്റെ ദു​ർ​ഗ​ന്ധം. ഞാ​നും ആ​മ​ത്തും മാ​ത്രം ഭ്രാ​ന്തി​ൽ​നി​ന്നും മു​ക്ത​ർ. ഞ​ങ്ങ​ൾ ചി​രി​ച്ചു. ആ​മ​ത്തി​ന്റെ ചി​രി​യി​ൽ ഞാ​ൻ മു​ങ്ങിപ്പോകു​ന്നു.

.