നക്ഷത്രചിഹ്നമിടാത്ത എന്റെ ചോദ്യത്തിനുള്ള നിന്റെ മറുപടി
വഴിയാത്രക്കാരെ
ഒന്നടങ്കം കടിക്കും തെരുവുനായ
വീടാകെയെന്നെത്തിരഞ്ഞു
നീവശങ്കെടുമ്പോൾ
നിന്റെ ബ്ലൗസിടുക്കിലേക്കു
ചാടിക്കയറും പല്ലി
അരൂപിയും അപ്രാപ്യയും
അധിനിവേശക്കാരിയുമായ
ഒറ്റപ്പക്ഷി
ഞാനാം മദ്യചഷകത്തിലേക്കു
തെന്നി മയങ്ങി വീഴുന്ന
ഇളം കാന്താരി മുളക്
രാത്രിയും രഹസ്യവും തമ്മിലുള്ള
പ്രണയം കാണുമ്പോൾ
നിന്റെ ഹൃദയത്തിൽ മുളയ്ക്കുന്നത്.
നിൻറെ ചില്ലധരളാൽ
ആദ്യ ക്ലാപ്പടിക്കപ്പെടുന്ന
എന്റെ സിനിമ
കുളിക്കാൻ മറന്ന ആകാശം
അതിന്റെ തിരണ്ട നക്ഷത്രത്തെ ഒളിപ്പിക്കുമിടം
രണ്ടറ്റങ്ങൾ
രണ്ടു വിശപ്പുകൾ
സ്നേഹത്തിന്റെ
വ്യാജക്കുപ്പായമിട്ട
പോലീസ് സ്റ്റേഷനുകൾ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.