നെ​ടു​വ വാ​യ​ന​ശാ​ല: അ​ക്ഷ​ര വി​പ്ല​വ​ത്തി​ന്‍റെ തൊ​ണ്ണൂ​റാ​ണ്ട്

പ​ര​പ്പ​ന​ങ്ങാ​ടി: സ്വാ​ത​ന്ത്ര്യ സ​മ​ര പോ​രാ​ട്ട​ങ്ങ​ൾ​ക്ക് അ​ക്ഷ​ര പ്ര​ചോ​ദ​ന​മേ​കി​യ വാ​യ​ന​ശാ​ല​ക്ക് ന​വ​തി​യു​ടെ അ​ക്ഷ​ര തി​ള​ക്കം. 1936ൽ ​നെ​ടു​വ യു​വ​ജ​ന​സം​ഘം സ്ഥാ​പി​ച്ച വാ​യ​ന​ശാ​ല നാ​ടി​ന് സ​മ്മാ​നി​ച്ച സാം​സ്കാ​രി​ക വെ​ളി​ച്ചം ഇ​ന്നും അ​ണ​യാ​തെ നി​ൽ​ക്കു​ക​യാ​ണ്. അ​ഡ്വ. ഇ. ​ഗോ​വി​ന്ദ​ൻ നാ​യ​ർ വാ​ട​ക വാ​ങ്ങാ​തെ കെ​ട്ടി​ട​ത്തി​ൽ പൊ​തു​വാ​യ​ന​കേ​ന്ദ്ര​ത്തി​ന് തു​ട​ക്ക​മി​ടാ​ൻ ന​ൽ​കി​യ അ​വ​സ​ര​മാ​ണ് ആ​ദ്യ ചു​വ​ട്. തൊ​ട്ട​ടു​ത്തെ കൊ​ള​പ്പു​റം ത​റ​വാ​ട്ടി​ലെ വി.​എ​സ്. നാ​യ​ർ സം​ഭാ​വ​ന ചെ​യ്ത ഭൂ​മി​യി​ൽ വാ​യ​ന​ശാ​ല​ക്ക് പി​ന്നീ​ട് സ്വ​ന്തം കെ​ട്ടി​ടം ഉ​യ​ർ​ന്നു.

സം​ഭാ​വ​ന പി​രി​ച്ചും നാ​ട​ക​വ​ത​ര​ണ​ത്തി​ലൂ​ടെ സ​മാ​ഹ​രി​ക്ക​പ്പെ​ട്ട ഫ​ണ്ട് ചേ​ർ​ത്തു​മാ​ണ് കെ​ട്ടി​ടം പ​ണി​ത​ത്. ച​രി​ത്ര പ​ണ്ഡി​ത​രാ​യ ഡോ. ​എം.​ജി.​എ​സ്, ഡോ. ​എം. ഗം​ഗാ​ധ​ര​ൻ എ​ന്നി​വ​ര​ട​ക്ക​മു​ള്ള​വ​ർ തു​ട​ക്ക​മി​ട്ട വാ​യ​ന​ശാ​ല​യി​ൽ തു​ട​ക്ക​ത്തി​ലേ ആ​യി​ര​ക്ക​ണ​ക്കി​ന് പു​സ്ത​ക​ങ്ങ​ളു​ടെ ശേ​ഖ​ര​മു​ണ്ടാ​യി​രു​ന്നു.

പു​തി​യാ​ട്ടി​ൽ കേ​ശ​വ​ൻ നാ​യ​ർ, പി.​കെ. കു​മാ​ര​ൻ നാ​യ​ർ, പു​ല്ലാ​ഞ്ചേ​രി ഭാ​സ്ക​ര​മേ​നോ​ൻ, എ​ൻ.​സി. മാ​ധ​വ മേ​നോ​ൻ, പ​ര​പ്പി​ൽ ഗം​ഗാ​ധ​ര മേ​നോ​ൻ, പി. ​ഗം​ഗാ​ധ​ര​ൻ, എ.​പി. അ​ച്ചു​ത​ൻ കു​ട്ടി മേ​നോ​ൻ, സ്വാ​ത​ന്ത്ര്യ​സ​മ​ര സേ​നാ​നി​ക​ളും പി​ന്നീ​ട് ക​മ്യൂ​ണി​സ്റ്റ് നാ​യ​ക​രു​മാ​യ കെ. ​കോ​യ കു​ഞ്ഞി​ന​ഹ, കെ.​പി.​എ​ച്ച്. മു​ഹ​മ്മ​ദ് ന​ഹ, എ​ന്നി​വ​രി​ലാ​യി​രു​ന്നു ആ​ദ്യ​കാ​ല സാ​ര​ഥ്യം.

സ്വാ​ത​ന്ത്ര്യ സ​മ​ര​വു​മാ​യി ബ​ന്ധ​പ്പെ​ട്ട പ​ല കൂ​ടി​യാ​ലോ​ച​ന യോ​ഗ​ങ്ങ​ളും ഈ ​വാ​യ​ന​ശാ​ല​യി​ൽ ന​ട​ന്നി​രു​ന്നെ​ന്ന് പ​റ​യ​പ്പെ​ടു​ന്നു. ഇ​പ്പോ​ൾ വാ​യ​ന​ശാ​ല​യി​ൽ 15,000ല​ധി​കം പു​സ്ത​ക​ങ്ങ​ളു​ടെ ശേ​ഖ​ര​മു​ണ്ടെ​ന്ന് വാ​യ​ന​ശാ​ല സെ​ക്ര​ട്ട​റി എ.​വി. ബാ​ല​കൃ​ഷ്ണ​ൻ ‘മാ​ധ്യ​മ’​ത്തോ​ട് പ​റ​ഞ്ഞു.