അ​ക്ഷ​ര​ങ്ങ​ളാ​ൽ കാ​രു​ണ്യ​വും ന​ന്മ​യും വി​ത​റു​ന്ന മ​ണ​പ്പു​റ​ത്തെ മാ​ന്ത്രി​ക​ൻ

തൃ​പ്ര​യാ​ർ: കാ​രു​ണ്യ​വും ന​ന്മ​യും സ്നേ​ഹ​വും മാ​ത്രം ക​ഥാ​പാ​ത്ര​ങ്ങ​ളി​ൽ ആ​വാ​ഹി​ച്ച് ഗ്രാ​മീ​ണ ജീ​വി​ത​ത്തി​ന്റെ വെ​ളി​ച്ചം വി​ത​റു​ന്ന മാ​ന്ത്രി​ക​നാ​ണ് ബാ​പ്പു വ​ല​പ്പാ​ട് എ​ന്ന എ​ഴു​ത്തു​കാ​ര​ൻ. എ​ഴു​തി പ്ര​സി​ദ്ധീ​ക​രി​ക്കു​ന്ന പു​സ്ത​ക​ങ്ങ​ൾ നാ​ട്ടി​ക ഫ​ർ​ക്ക​യു​ടെ മ​ണ​പ്പു​റം മേ​ഖ​ല​യി​ൽ കാ​ൽ​ന​ട​യാ​യി വീ​ടു​ക​യ​റി​യി​റ​ങ്ങി വി​ൽ​പ​ന ന​ട​ത്തി​യും സ​മ്മാ​ന​മാ​യും ന​ൽ​കി​യ പ​ഴ​യ നാ​ളു​ക​ൾ ഏ​റെ​യാ​ണ്. ഇ​തു​വ​രെ 15 പു​സ്ത​ക​ങ്ങ​ൾ പ്ര​സി​ദ്ധീ​ക​രി​ച്ചു. ബാ​പ്പു​വി​നെ കേ​ൾ​ക്കാ​ത്ത​വ​രും കാ​ണാ​ത്ത​വ​രും ചു​രു​ക്കം. അ​ങ്ങി​നെ ബാ​പ്പു​വി​ന്റെ പേ​രു​ത​ന്നെ മ​ണ​പ്പു​റ​ത്തെ ക​ഥാ​കാ​ര​ൻ എ​ന്നാ​യി. 16ാമ​ത്തെ പു​സ്ത​ക പ്ര​സി​ദ്ധീ​ക​ര​ണ​ത്തി​ന്റെ തി​ര​ക്കി​ലാ​ണി​പ്പോ​ൾ.

ക​മ്യൂ​ണി​സ്റ്റ് പ്ര​സ്ഥാ​ന​ത്തി​ന് വേ​രു​റ​പ്പു​ണ്ടാ​യി​രു​ന്ന കാ​ല​ത്ത് വ​ല​പ്പാ​ട്ടെ ബീ​ഡി തൊ​ഴി​ലാ​ളി​ക​ൾ​ക്ക് പ​ത്രം വാ​യി​ച്ചു കൊ​ടു​ക്ക​ലാ​യി​രു​ന്നു മു​ഖ്യ​മാ​യി ചെ​യ്തി​രു​ന്ന​ത്. വാ​യ​ന​യി​ലൂ​ടെ നാ​ട​ക​മെ​ഴു​ത്തും നോ​വ​ലെ​ഴു​ത്തും തു​ട​ങ്ങി. പി​ന്നെ ക​ഥ​ക​ളി​ലേ​ക്ക്​ തി​രി​ഞ്ഞു. 1970ൽ ​ആ​ദ്യ​ത്തെ പു​സ്ത​ക​മാ​യ ‘നി​ലാ​വും വെ​ളി​ച്ച​വും’ പ്ര​സി​ദ്ധീ​ക​രി​ച്ചു. പ്ര​വാ​സ ജീ​വി​ത​ത്തെ തൊ​ട്ടെ​ഴു​തി​യ അ​ബ്ബാ​സി​യാ​യി​ലെ അ​ബ്ബാ​സ് എ​ന്ന പു​സ്ത​കം ഏ​റെ ശ്ര​ദ്ധ പി​ടി​ച്ചു​പ​റ്റി. ഈ ​പു​സ്ത​കം പ്ര​സി​ദ്ധീ​ക​രി​ച്ച​ശേ​ഷ​മാ​ണ് പ​ത്തേ​മാ​രി എ​ന്ന സി​നി​മ ഇ​റ​ങ്ങി​യ​ത്.

സി​നി​മ ക​ണ്ടു​കൊ​ണ്ടി​രി​ക്കെ ബാ​പ്പു​വി​നെ വി​ളി​ച്ച് പ​ല​രും പ​റ​ഞ്ഞു. അ​ബ്ബാ​സി​യാ​യി​ലെ അ​ബ്ബാ​സ് എ​ന്ന ക​ഥ​യു​ടെ പ​ക​ർ​പ്പാ​ണി​തെ​ന്ന് പ​റ​ഞ്ഞാ​യി​രു​ന്നു വി​ളി​ക​ൾ വ​ന്ന​ത്. കേ​സ് ന​ൽ​ക​ണ​മെ​ന്നു​വ​രെ പ​ല​രും ആ​വ​ശ്യ​പ്പെ​ട്ടു. സ്നേ​ഹ​ത്തി​ന്റെ ഭാ​ഷ​യ​ല്ലാ​തെ മ​റ്റൊ​ന്നും ബാ​പ്പു​വി​ന്റെ മ​ന​സ്സി​ലി​ല്ലാ​ത്ത​തി​നാ​ൽ പു​ഞ്ചി​രി​യോ​ടെ അ​ദ്ദേ​ഹ​മ​ത് നി​ര​സി​ച്ചു. ഖ​ൽ​ബ്, ശു​ക്ക്റ്, കു​ഞ്ഞാ​മി​ന എ​ന്നി​വ പ്ര​സി​ദ്ധ ക​ഥ​ക​ളാ​ണ്. കു​ഞ്ഞാ​മി​ന, കി​നാ​വ്, അ​ങ്ങാ​ടി ക​ട​വ​ത്ത് എ​ന്നി​വ ബാ​പ്പു എ​ഴു​തി നി​ർ​മി​ച്ച ടെ​ലി​ഫി​ലി​മു​ക​ളു​മാ​ണ്. കു​ടും​ബ​വു​മാ​യി വ​ല​പ്പാ​ടി​ന​ടു​ത്ത കു​ട്ട​മം​ഗ​ല​ത്താ​ണ് ഇ​പ്പോ​ൾ താ​മ​സം.