അമ്ന നിയ
കോഴിക്കോട്: സംസ്ഥാന സ്കൂൾ കലോത്സവത്തിൽ രണ്ടാം തവണയും എ ഗ്രേഡ് നേടി അംന നിയ. അറബിക് ഉപന്യാസ മത്സരത്തിലാണ് അംന നിയ എ ഗ്രേഡ് നേടിയത്.
കോഴിക്കോട് എസ്.എൻ.എച്ച്.എസ്.എസ് തിരുവള്ളൂർ സ്കൂളിലെ പത്താം ക്ലാസ് വിദ്യാർത്ഥിനിയാണ്. കോഴിക്കോട് ജില്ലാ കലോത്സവങ്ങളിൽ മൂന്ന് വർഷമായി സ്റ്റേജ് മത്സരങ്ങളിലും രചനാ മത്സരങ്ങളിലും തിളങ്ങിയ അംന നിയ രണ്ടാം തവണയാണ് സംസ്ഥാന തല മത്സരത്തിലെത്തുന്നത് . എട്ടാം ക്ലാസിൽ പഠിക്കുമ്പോൾ അറബിക് പ്രശ്നോത്തരിയിലും സംസ്ഥാന തലത്തിൽ എ ഗ്രേഡ് നേടിയിരുന്നു.
അറബിക് അധ്യാപികയും മാതാവുമായ ഷമീമ ടീച്ചറുടെയും സ്കൂളിലെ അധ്യാപകരുടേയും പൂർണ പിന്തുണയിലാണ് അംന നിയ നേട്ടങ്ങൾ കൈവരിക്കുന്നത്. പിതാവ് കോച്ചേരി മൊയ്തു മാസ്റ്ററും എല്ലാ പിന്തുണയും നൽകി കൂടെയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.