ജോയൽ, ക്രിസ്റ്റി
മാള: കഞ്ചാവുമായി യുവാക്കൾ അറസ്റ്റിൽ. താഴെക്കാട് കണ്ണിക്കര കൊടിയൻ വീട്ടിൽ ജോയൽ (22), പുത്തൻചിറ മതിയത്ത്കുന്ന് വാതുക്കാടൻ ക്രിസ്റ്റി (22) എന്നിവരെയാണ് മാള എക്സൈസ് സംഘം പിടികൂടിയത്.
എക്സൈസ് ഇൻസ്പെക്ടർ കെ. മണികണ്ഠന് ലഭിച്ച രഹസ്യ വിവരത്തെ തുടർന്നാണ് പുത്തൻചിറ മതിയത്ത് കുന്നിൽനിന്ന് 50 ഗ്രാം കഞ്ചാവുമായി ക്രിസ്റ്റിയെ അറസ്റ്റ് ചെയ്തത്. തുടർന്ന് നടത്തിയ അന്വേഷണത്തിൽ ക്രിസ്റ്റിക്ക് കഞ്ചാവ് നൽകിയത് ജോയൽ ആണെന്ന് കണ്ടെത്തി.
തുമ്പൂരിലെ വാടകവീട്ടിൽനിന്നാണ് 400 ഗ്രാം കഞ്ചാവുമായി ജോയലിനെ അറസ്റ്റ് ചെയ്തത്. ജോയലിനെതിരെ ആളൂർ പൊലീസ് സ്റ്റേഷനിൽ മൂന്ന് ക്രിമിനൽ കേസുകളും വടക്കാഞ്ചേരി എക്സൈസിൽ കഞ്ചാവ് കേസും നിലവിലുണ്ട്. വിദ്യാർഥികളെ കേന്ദ്രീകരിച്ചാണ് ഇവർ വിൽപന നടത്തിയിരുന്നത്.
പ്രിവന്റിവ് ഉദ്യോഗസ്ഥന്മാരായ എ.എസ്. പ്രമോദ്, പി.കെ. സുനിൽ, പി.ആർ. സുനിൽകുമാർ, സന്തോഷ് ബാബു, ശബരിനാഥ്, പി.എസ്. രജിത, കെ.എസ്. കാവ്യ എന്നിവർ അന്വേഷണ സംഘത്തിൽ ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.