കോട്ടയം: നഗരത്തിൽ 40 ഗ്രാം എം.ഡിഎം.എയുമായി യുവാവ് പിടിയിൽ. കാരാപ്പുഴ പുന്നപ്പറമ്പ് ഗോകുലനെയാണ് (25) വെസ്റ്റ് പൊലീസ് അറസ്റ്റ് ചെയ്തത്. ജില്ലയിലെ ഏറ്റവും വലിയ എം.ഡി.എം.എ വേട്ടയാണിത്.
ജില്ല പൊലീസ് മേധാവി കെ. കാർത്തിക്കിന്റെ നേതൃത്വത്തിലുള്ള ഡാൻസാഫ് സംഘവും വെസ്റ്റ് എസ്.എച്ച്.ഒ ഇൻസ്പെക്ടർ കെ.ആർ. പ്രശാന്ത്കുമാറിന്റെ നേതൃത്വത്തിലുള്ള സംഘവും ചേർന്നാണ് ഇയാളെ വ്യാഴാഴ്ച രാത്രി തിരുനക്കര ക്ഷേത്രത്തിന് സമീപത്തുനിന്ന് പിടികൂടിയത്.
ബംഗളൂരുവിൽനിന്ന് എറണാകുളത്ത് എത്തിയ ഗോകുലൻ ട്രെയിൻ മാർഗം കോട്ടയത്ത് എത്തി. ശേഷം ബസിൽ തിരുനക്കരയിലെത്തുകയായിരുന്നു. പ്രതിയെ വെള്ളിയാഴ്ച കോടതിയിൽ ഹാജരാക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.