തു​ണി​ക്ക​ട​യി​ൽ​നി​ന്ന് കുട്ടിയുടെ ആഭരണം മോഷ്ടിച്ച് യുവതി

രാ​മ​നാ​ട്ടു​ക​ര: ബ​സ് സ്റ്റാ​ൻ​ഡി​ലെ തു​ണി​ക്ക​ട​യി​ൽ​നി​ന്ന് കു​ട്ടി​യു​ടെ ആ​ഭ​ര​ണം മോ​ഷ്ടി​ക്കു​ന്ന യു​വ​തി​യു​ടെ വി​ഡി​യോ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യി. വ​ല്യു​മ്മ​യു​ടെ തോ​ളി​ൽ ഉ​റ​ങ്ങി​ക്കി​ട​ക്കു​ന്ന പി​ഞ്ചു​കു​ഞ്ഞി​ന്റെ കാ​ലി​ലെ പാ​ദ​സ​രം യു​വ​തി ത​ന്ത്ര​ത്തി​ൽ മോ​ഷ്ടി​ക്കു​ന്ന​താ​ണ് സി.​സി ടി.​വി​യി​ൽ പ​തി​ഞ്ഞ​ത്. ക​ഴി​ഞ്ഞ ആ​റാം തീ​യ​തി രാ​വി​ലെ 11.30നാ​ണ് സം​ഭ​വം ന​ട​ന്ന​ത്. വാ​ഴ​ക്കാ​ടി​ന​ടു​ത്ത ആ​ക്കോ​ട് സ്വ​ദേ​ശി​നി​ക​ളാ​യ ഉ​മ്മ​യും മ​ക​ളും കൊ​ച്ചു​മ​ക​ളെ കൂ​ട്ടി വ​സ്ത്ര​ങ്ങ​ളെ​ടു​ക്കു​മ്പോ​ഴാ​യി​രു​ന്നു സം​ഭ​വം. രാ​മ​നാ​ട്ടു​ക​ര ബ​സ് സ്റ്റാ​ൻ​ഡ് കെ​ട്ടി​ട​ത്തി​ലെ ക​ട​യി​ലാ​ണ് വ​സ്ത്ര​മെ​ടു​ക്കാ​ൻ ക​യ​റി​യ​ത്. വ​ല്യു​മ്മ​യു​ടെ തോ​ളി​ൽ ഉ​റ​ങ്ങി​ക്കി​ട​ക്കു​ന്ന കു​ഞ്ഞി​ന്റെ കാ​ലി​ൽ​നി​ന്ന് ക​ട​യി​ലേ​ക്ക് വ​ന്ന യു​വ​തി​യാ​ണ് ആ​ഭ​ര​ണം മോ​ഷ്ടി​ക്കു​ന്ന​ത്. ചു​വ​പ്പ് ചു​രി​ദാ​റും ക​റു​ത്ത മാ​സ്കും ധ​രി​ച്ച 30 വ​യ​സ്സ് തോ​ന്നി​ക്കു​ന്ന മെ​ലി​ഞ്ഞ ശ​രീ​ര​മു​ള്ള യു​വ​തി പ​ല​ത​വ​ണ മോ​ഷ​ണ​ത്തി​ന് ശ്ര​മി​ക്കു​ന്ന​താ​യി സി.​സി ടി.​വി​യി​ൽ പ​തി​ഞ്ഞി​ട്ടു​ണ്ട്. സെ​യി​ൽ​സ്മാ​ന്റെ ശ്ര​ദ്ധ തി​രി​ച്ച​തി​നു​ശേ​ഷ​മാ​ണ് മോ​ഷ്ടി​ച്ച​ത്.

പാ​ദ​സ​രം അ​ര​പ്പ​വ​നോ​ളം തൂ​ക്ക​മു​ണ്ടെ​ന്ന് കു​ഞ്ഞി​ന്റെ ബ​ന്ധു​ക്ക​ൾ പ​റ​ഞ്ഞു. വീ​ട്ടി​ലെ​ത്തി​യ​ശേ​ഷ​മാ​ണ് ആ​ഭ​ര​ണം ന​ഷ്ട​പ്പെ​ട്ട വി​വ​ര​മ​റി​ഞ്ഞ​ത്. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ക​ട​യി​ലെ സി.​സി ടി.​വി ദൃ​ശ്യ​ങ്ങ​ൾ ക​ണ്ടെ​ത്തി​യ​ത്. യു​വ​തി​യെ തി​രി​ച്ച​റി​ഞ്ഞി​ട്ടി​ല്ല. വീ​ട്ടു​കാ​ർ ഫ​റോ​ക്ക് പൊ​ലീ​സി​ൽ പ​രാ​തി ന​ൽ​കി.

പൊ​ലീ​സ് ക​ട​യി​ലെ​ത്തി സി.​സി ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ചു. സം​ഭ​വ​ത്തി​ൽ ഫ​റോ​ക്ക് പൊ​ലീ​സ് കേ​സെ​ടു​ത്തു.