ലഖ്നോ: മദ്യപാനത്തെ ചൊല്ലിയുള്ള തർക്കത്തെ തുടർന്ന് ഭാര്യ ഭർത്താവിനെ കൊലപ്പെടുത്തി. ഉത്തർപ്രദേശിലെ കോട്ടിയിൽ ശനിയാഴ്ച രാത്രിയാണ് സംഭവം. വിനയ് രാജ് എന്ന 27 കാരനാണ് കൊല്ലപ്പെട്ടത്. സംഭവത്തിൽ ഭാര്യ രാധയെ പൊലീസ് അറസ്റ്റ് ചെയ്തിട്ടുണ്ട്. വിനയ് രാജിന്റെ സഹോദരന്റെ പരാതിയിലാണ് രാധയെ അറസ്റ്റ് ചെയ്തത്.
മദ്യപിക്കുന്നതിനെ ചൊല്ലി വിനയ് രാജും ഭാര്യയുമായി ശനിയാഴ്ച രാത്രി വാക് തർക്കത്തിലേർപ്പെട്ടിരുന്നു. ഇത് കൊലപാതകത്തിൽ കലാശിക്കുകയായിരുന്നെന്നും പൊലീസ് പറഞ്ഞു. ഞായറാഴ്ച രാവിലെ തന്റെ ഭർത്താവിനെ ആരോ കൊലപ്പെടുത്തിയെന്ന പരാതിയുമായി യുവതി പോലീസിനെ സമീപിക്കുകയായിരുന്നു. എന്നാൽ പ്രാഥമികാന്വേഷണത്തിൽ രാധ വിനയരാജിനെ മൂർച്ചയുള്ള ആയുധം ഉപയോഗിച്ച് കൊലപ്പെടുത്തുകയായിരുന്നെന്ന് തെളിഞ്ഞു. സംഭവത്തിൽ അന്വേഷണം പുരോഗമിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.