മണി, ഗിരീഷ്
കൊടുമൺ: പൂർവവൈരാഗ്യത്തെ തുടർന്ന് യുവാവിനെയും സുഹൃത്തിന്റെ പിതാവിനെയും വെട്ടിപ്പരിക്കേൽപിച്ച കേസിൽ രണ്ടുപേരെ കൊടുമൺ പൊലീസ് പിടികൂടി. കൊടുമൺ ഇടത്തിട്ട ഐക്കരേത്ത് മുരുപ്പ് ഈറമുരുപ്പേൽ വീട്ടിൽ സുരേഷിന്റെ മകൻ അമൽ സുരേഷിനെയും (20) സുഹൃത്തിന്റെ പിതാവ് രഘുവിനെയും ഗുരുതരമായി വെട്ടിപ്പരിക്കേൽപിച്ച കേസിലാണ് അറസ്റ്റ്.
ഐക്കരേത്ത് മുരുപ്പ് കരിമ്പന്നൂർ വീട്ടിൽ മണി (27), ഐക്കരേത്ത് മുരുപ്പ് ഗീതാഭവനം വീട്ടിൽ ഗിരീഷ് (31) എന്നിവെരയാണ് എസ്.ഐ രതീഷ് കുമാറിന്റെ നേതൃത്വത്തിൽ അറസ്റ്റ് ചെയ്തത്. തിങ്കളാഴ്ച രാത്രി ഒമ്പതിന് ഐക്കരേത്ത് മുരുപ്പിലാണ് സംഭവം.
സ്ത്രീകളെ അപമാനിച്ചതിനും പട്ടികജാതി പീഡന നിയമപ്രകാരവും 2016ന് കൊടുമൺ പൊലീസ് രജിസ്റ്റർ ചെയ്ത കേസിൽ പ്രതിയാണ് മണി. ഇരുവരെയും കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.