ജറൂസലം: അധിനിവിഷ്ട വെസ്റ്റ് ബാങ്കിൽ ഫലസ്തീൻ പൗരന്റെ കുത്തേറ്റ് രണ്ട് ഇസ്രായേൽ പൗരന്മാർ കൊല്ലപ്പെട്ടു. നാലു പേർക്ക് പരിക്ക്. വെസ്റ്റ് ബാങ്കിലെ വ്യവസായ മേഖലയിലേക്ക് കടക്കുന്ന കവാടത്തിൽ നിൽക്കുകയായിരുന്ന ഇസ്രായേൽ പൗരന്മാർക്ക് നേരെയാണ് ഫലസ്തീൻ യുവാവ് കത്തി ഉപയോഗിച്ച് ആക്രമണം നടത്തിയത്.
തുടർന്ന് തൊട്ടടുത്ത ഗ്യാസ് സ്റ്റേഷനിലേക്ക് നീങ്ങിയ അക്രമി അവിടെ കൂടിനിന്നവർക്കുനേരെയും അക്രമം നടത്തി. തുടർന്ന് കാറിൽ രക്ഷപ്പെടാൻ ശ്രമിച്ച ഇയാളെ ഇസ്രായേൽ സേന വെടിവെച്ച് കൊലപ്പെടുത്തിയതായി മാധ്യമങ്ങൾ റിപ്പോർട്ട് ചെയ്തു. സംഭവത്തിൽ ഭീകരാക്രമണം ആണോയെന്ന് സംശയിക്കുന്നുണ്ടെന്ന് ഇസ്രായേൽ സേന അറിയിച്ചു. എന്നാൽ, ആക്രമണത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.