പെരിന്തൽമണ്ണ: സ്കൂട്ടർ അപകടത്തിൽ പെട്ടത് അറിഞ്ഞെത്തിയ പൊലീസ് ഒന്നര ഗ്രാം എം.ഡി.എം.എയുമായി യുവാവിനെ അറസ്റ്റ് ചെയ്തു. ചോക്കാട് ആനക്കല്ല് പോളിയോടൻ വീട്ടിൽ സിറാജ് (29) ആണ് പിടിയിലായത്. പെരിന്തൽമണ്ണ പട്ടാമ്പി റോഡിൽ പുത്തൂർ റോഡ് ജങ്ഷന് സമീപം സ്കൂട്ടർ മറിഞ്ഞിട്ടുണ്ടെന്ന വിവരം ലഭിച്ചതിന്റെ അടിസ്ഥാനത്തിലാണ് പെരിന്തൽമണ്ണ എസ്.ഐ യാസിർ ആലിക്കലും സംഘവും സ്ഥലത്തെത്തിയത്.
സ്കൂട്ടറിൽ സഞ്ചരിച്ച സിറാജിനെ സംശയം തോന്നിയതോടെ പൊലീസ് പരിശോധിച്ചതിൽ ഇയാളുടെ പഴ്സിൽനിന്ന് എം.ഡി.എം.എ കണ്ടെടുക്കുകയായിരുന്നു. പ്രതിയെ പെരിന്തൽമണ്ണ കോടതിയിൽ ഹാജറാക്കി റിമാൻഡ് ചെയ്തു. എസ്.സി.പി.ഒമാരായ ബാലചന്ദ്രൻ, നജീബ് എന്നിവർ അടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.