ജലന്ധർ: രാജ്യാന്തര കബഡി താരം സന്ദീപ് നംഗലിനെ ടൂർണമെന്റിനിടെ അക്രമികൾ വെടിവെച്ചുകൊന്നു. ജലന്ധറിലെ മാലിയൻ ഗ്രാമത്തിൽ കബഡി മത്സരത്തിനിടയിലായിരുന്നു നടുക്കുന്ന സംഭവം. തലയിലും നെഞ്ചിലുമായി 20 റൗണ്ട് വെടിയേറ്റെന്ന് പൊലീസ് റിപ്പോർട്ട് ചെയ്യുന്നു.
വെടിയേറ്റ നംഗലിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. 12 പേരടങ്ങുന്ന അക്രമിസംഘമാണ് വെടിവെച്ചതെന്ന് സ്ഥിരീകരിക്കാത്ത റിപ്പോർട്ടുകൾ പറയുന്നു. സംഭവത്തിന്റെ വിഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.
10വർഷമായി സജീവ കബഡിതാരമായ നംഗൽ പഞ്ചാബിനുപുറമെ യു.എസ്.എ, കാനഡ, യു.കെ എന്നിവിടങ്ങളിലും ടൂർണമെന്റുകൾ കളിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.