10,000 കേസ്, 10,000 അറസ്റ്റ്; ഓപറേഷന്‍ തൂഫാന്‍ മുന്നോട്ട്

തി​രു​വ​ന​ന്ത​പു​രം: ല​ഹ​രി​ക്കെ​തി​രെ കേ​ര​ള പൊ​ലീ​സ്​ ന​ട​പ്പാ​ക്കു​ന്ന ‘ഓ​പ​റേ​ഷ​ന്‍ തൂ​ഫാ​ന്‍റെ’ ഭാ​ഗ​മാ​യി ന​ട​ത്തി​യ പ​രി​ശോ​ധ​ന​യി​ൽ സം​സ്ഥാ​ന​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ഇ​തു​വ​രെ 10,780 പേ​രെ അ​റ​സ്റ്റ് ചെ​യ്തു. ക​ഴി​ഞ്ഞ ദി​വ​സം 46 കേ​സു​ക​ളി​ലാ​യി 55 പേ​ര്‍ കൂ​ടി അ​റ​സ്റ്റി​ലാ​യ​തോ​ടെ തൂ​ഫാ​ന്‍റെ ഭാ​ഗ​മാ​യു​ള്ള കേ​സു​ക​ളു​ടെ എ​ണ്ണം 9,981 ആ​യി. ഇ​തു​വ​രെ 21428.993 ഗ്രാം ​എം.​ഡി.​എം.​എ​യും 1213.040 കി. ​ഗ്രാം ക​ഞ്ചാ​വും 699.094 ഗ്രാം ​ബ്രൗ​ണ്‍ ഷു​ഗ​റും 528.447 ഗ്രാം ​ഹെ​റോ​യി​നും പി​ടി​ച്ചെ​ടു​ത്തു.

ഓ​പ​റേ​ഷ​ന്‍ തൂ​ഫാ​ന്‍റെ ഭാ​ഗ​മാ​യി വ്യാ​ഴാ​ഴ്ച മാ​ത്രം സം​സ്ഥാ​ന​ത്തു​ട​നീ​ളം പൊ​ലീ​സ് 27 ബോ​ധ​വ​ത്ക​ര​ണ ക്ലാ​സു​ക​ള്‍ ന​ട​ത്തി. ഇ​തു​വ​രെ ന​ട​ത്തി​യ ബോ​ധ​വ​ത്ക​ര​ണ ക്ലാ​സു​ക​ളു​ടെ എ​ണ്ണം 9484ഉം ​കൗ​ണ്‍സി​ലി​ങ്ങു​ക​ളു​ടെ എ​ണ്ണം 637ഉം ​ആ​ണ്. സ്കൂ​ള്‍, കോ​ള​ജ് പ്രൊ​ട്ട​ക്ഷ​ന്‍ ഗ്രൂ​പ്പു​ക​ളു​ടെ നേ​തൃ​ത്വ​ത്തി​ല്‍ 6684 ബോ​ധ​വ​ത്ക​ര​ണ പ​രി​പാ​ടി​ക​ളും ന​ട​ത്തി. ല​ഹ​രി വി​പ​ണ​ന​ത്തെ​ക്കു​റി​ച്ച വി​വ​ര​ങ്ങ​ള്‍ പൊ​തു​ജ​ന​ങ്ങ​ള്‍ക്ക് നേ​രി​ട്ടും (9497979794, 9497927797) വാ​ട്സ്ആ​പ്പ് (9995966666) മു​ഖേ​ന​യും പൊ​ലീ​സി​നെ അ​റി​യി​ക്കാം.

ഓണത്തിന് ശേഷം തൂഫാൻ അടുത്ത ഘട്ടത്തിലേക്ക് കടക്കുമെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞിരുന്നു. കഴിഞ്ഞ ദിവസം വടകരയിൽ നടന്ന ചടങ്ങിൽ ഷാഫി പറമ്പിൽ എം.പി തൂഫാൻ വാരിയർ ആയി. കെ.കെ. രമ എം.എൽ.എ അധ്യക്ഷത വഹിച്ചു. എം.കെ. രാഘവൻ എം.പി തൂഫാൻ ബാഡ്ജുകൾ വിതരണം ചെയ്തു.

ഗോകുലം ഗോപാലൻ, പത്മശ്രീ മീനാക്ഷി അമ്മ ഉൾപ്പെടെ സമൂഹത്തിന്റെ വിവിധ മേഖലകളിൽ നിന്നുള്ളവർ തൂഫാന്റെ ഭാഗമായി.

ഓപറേഷൻ തൂഫാൻ: ദി നാർക്കോ ഹണ്ടിന്റെ ഭാഗമായി വ്യാഴാഴ്ച ഇടുക്കി ജില്ല പൊലീസും ഇടുക്കി പാവനാത്മാ കോളജും ചേർന്ന് തൂഫാൻ ജാഗരൺ സംഘടിപ്പിച്ചു.