ചണ്ഡീഗഡ്: 15കാരിയായ പെൺകുട്ടിയെ തട്ടിക്കൊണ്ടുപോയി ബലാത്സംഗം ചെയ്തു. മൂന്ന് പേർ ചേർന്ന് കുട്ടിയെ തട്ടിക്കൊണ്ട് പോകുകയും 20 ദിവസത്തോളം ബലാത്സംഗത്തിന് ഇരയാക്കുകയും ചെയ്തതായി ഹരിയാന പൊലീസ് പറഞ്ഞു.
കുട്ടിയെ രക്ഷപെടുത്തി. മൂന്ന് പ്രതികളെയും പൊലീസ് അറസ്റ്റ് ചെയ്തു. ഏകദേശം 20 ദിവസം മുമ്പ് കുട്ടിയെ കാണാനില്ലെന്ന് പിതാവ് പരാതി നൽകിയിയുന്നു. അജ്ഞാതർക്കെതിരെ തട്ടിക്കൊണ്ടുപോയതിന് കേസെടുക്കുകയും അന്വേഷണത്തിൽ മൂന്ന് പ്രതികളെയും കണ്ടെത്തുകയുമായിരുന്നു. പ്രതികളിൽ രണ്ട് പേർ കുട്ടിയുടെ ഗ്രാമത്തിൽ നിന്നുള്ളവരും മൂന്നാമൻ ഉത്തർപ്രദേശ് സ്വദേശിയുമാണ്.
തട്ടിക്കൊണ്ടുപോയ ശേഷം മൂന്ന് പേർ ചേർന്ന് തന്നെ ബലാത്സംഗം ചെയ്തുവെന്ന് പെൺകുട്ടി മൊഴി നൽകി. പ്രതികൾക്കെതിരെ പോക്സോ നിയമപ്രകാരവും തട്ടിക്കൊണ്ടുപോകൽ, ബലാത്സംഗം ഉൾപ്പെടെയുള്ള ഇന്ത്യൻ ശിക്ഷ നിയമത്തിലെ വകുപ്പുകൾ പ്രകാരവും കേസെടുത്തിട്ടുണ്ടെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.