വ്യാ​ജ പ്ര​മാ​ണ​ങ്ങ​ളു​ണ്ടാ​ക്കി സ്ഥ​ലം വി​ൽ​പ​ന ന​ട​ത്തിയ സംഭവം: കേസിൽ കൂടുതൽ പ്രതികളെന്ന് സൂചന

ക​രു​വാ​ര​കു​ണ്ട്: വ്യാ​ജ പ്ര​മാ​ണ​ങ്ങ​ളു​ണ്ടാ​ക്കി മ​റ്റൊ​രാ​ളു​ടെ സ്ഥ​ലം വി​ൽ​പ​ന ന​ട​ത്തി ല​ക്ഷ​ങ്ങ​ൾ ത​ട്ടി​യ സം​ഭ​വ​ത്തി​ൽ അ​ന്വേ​ഷ​ണം കൂ​ടു​ത​ൽ പേ​രി​ലേ​ക്ക്. ആ​ധാ​ര​വും ആ​ധാ​ർ കാ​ർ​ഡും ഉ​ൾ​പ്പെ​ടെ​യു​ള്ള രേ​ഖ​ക​ളെ​ല്ലാം വ്യാ​ജ​മാ​ണെ​ന്നി​രി​ക്കെ ഇ​വ ഒ​രാ​ളെ​ക്കൊ​ണ്ട് മാ​ത്രം ഉ​ണ്ടാ​ക്കാ​നാ​വി​ല്ലെ​ന്നാ​ണ് പൊ​ലീ​സ് ക​രു​തു​ന്ന​ത്. പ​ട്ടാ​മ്പി ആ​മ​യൂ​ർ സ്വ​ദേ​ശി​നി ന​ൽ​കി​യ പ​രാ​തി​യി​ൽ

ത​രി​ശ് മു​ള്ള​റ​യി​ലെ ചേ​രി​യോ​ട​ൻ അ​ബൂ​ബ​ക്ക​റി​നെ (51) ക​രു​വാ​ര​കു​ണ്ട് പൊ​ലീ​സ് ക​ഴി​ഞ്ഞ ദി​വ​സം അ​റ​സ്റ്റ് ചെ​യ്തി​രു​ന്നു. തു​വ്വൂ​രി​ലു​ള്ള സ്ഥ​ലം കാ​ണി​ച്ചു കൊ​ടു​ത്ത് കൃ​ത്രി​മ സ്കെ​ച്ച്, പ്ലാ​ൻ എ​ന്നി​വ ത​യാ​റാ​ക്കി പ​രാ​തി​ക്കാ​രി​യെ വി​ശ്വ​സി​പ്പി​ച്ചാ​ണ് ത​ട്ടി​പ്പ് ന​ട​ത്തി​യ​ത്.

മ​റ്റൊ​രാ​ളു​ടെ പേ​രി​ൽ ക​ൽ​ക്കു​ണ്ടി​ലു​ള്ള ഭൂ​മി​യു​ടെ ആ​ധാ​ര​വും പു​ൽ​വെ​ട്ട​യി​ലെ മ​റ്റൊ​രു ഭൂ​മി​യു​ടെ നി​കു​തി ര​സീ​തും കാ​ണി​ച്ച് ത​ണ്ട​പ്പേ​രു​ണ്ടാ​ക്കി.

വ്യാ​ജ ആ​ധാ​ർ കാ​ർ​ഡി​ൽ ക​രു​വാ​ര​കു​ണ്ട് സ​ബ് ര​ജി​സ്ട്രാ​ർ ഓ​ഫി​സി​ൽ ആ​ധാ​ര​വും ര​ജി​സ്റ്റ​ർ ചെ​യ്തു.

ഭൂ​മി​യു​ടെ യ​ഥാ​ർ​ഥ ഉ​ട​മ നി​കു​തി അ​ട​ക്കാ​ൻ വി​ല്ലേ​ജ് ഓ​ഫി​സി​ലെ​ത്തി​യ​പ്പോ​ഴാ​ണ് ത​ട്ടി​പ്പ് പു​റ​ത്താ​വു​ന്ന​ത്. വി​വി​ധ ഓ​ഫി​സു​ക​ളി​ലെ ജീ​വ​ന​ക്കാ​ർ ഉ​ൾ​പ്പെ​ടെ പ​ല​ർ​ക്കും ത​ട്ടി​പ്പി​ൽ പ​ങ്കു​ണ്ടോ എ​ന്ന​ത് അ​ന്വേ​ഷി​ച്ചു​വ​രു​ക​യാ​ണെ​ന്ന് സ്റ്റേ​ഷ​ൻ ഹൗ​സ് ഓ​ഫി​സ​ർ മ​നോ​ജ് പ​റ​യ​റ്റ അ​റി​യി​ച്ചു.