കെ.വി. സുകു
പാമ്പാടി: പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയി ഒളിവിൽ താമസിപ്പിക്കാൻ സഹായിച്ച കേസിൽ ഗൃഹനാഥനെ പൊലീസ് അറസ്റ്റ് ചെയ്തു. കോഴിക്കോട് വടകര സ്വദേശി കെ.വി സുകുവിനെയാണ് (48) അറസ്റ്റ് ചെയ്തത്. പാമ്പാടി സ്വദേശിനിയെ യുവാവ് സമൂഹമാധ്യമത്തിലൂടെ പരിചയപ്പെട്ട് പ്രണയംനടിച്ച് തട്ടിക്കൊണ്ടുപോവുകയും ഒളിവിൽ താമസിപ്പിക്കുകയുമായിരുന്നു.
വീട്ടുകാർ നൽകിയ പരാതിയിൽ പാമ്പാടി പൊലീസ് കേസ് രജിസ്റ്റർ ചെയ്തിരുന്നു. മറ്റു പ്രതികൾക്കുവേണ്ടി തിരച്ചിൽ ശക്തമാക്കിയതായും പൊലീസ് പറഞ്ഞു. പാമ്പാടി എസ്.എച്ച്.ഒ സുവർണകുമാർ, എസ്.ഐ അംഗതൻ, എ.എസ്.ഐ ആന്റണി മൈക്കിൾ, സിന്ധു ടി.വി എന്നിവർ ചേർന്നാണ് ഇയാളെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.