ചിങ്ങവനം: ഗൃഹനാഥനെ വീട്ടിൽ അതിക്രമിച്ചുകയറി ആക്രമിച്ച കേസിൽ നാലുപേരെ അറസ്റ്റ് ചെയ്തു. പനച്ചിക്കാട് കോളാകുളത്ത് പൊട്ടൻമല വീട്ടിൽ ശരത് (23), പൊട്ടൻമല വീട്ടിൽ ഷാജി (56), കോളാകുളത്ത് പാടിപ്പാട്ട് വീട്ടിൽ അഖിലേഷ് കുമാർ (27), കരോട്ട് ഭാഗത്ത് താമരപ്പള്ളി വീട്ടിൽ ഷിജു (39) എന്നിവരെയാണ് ചിങ്ങവനം പൊലീസ് അറസ്റ്റ് ചെയ്തത്.
കഴിഞ്ഞ 18ന് രാത്രി എട്ട് മണിയോടെയാണ് പ്രതികൾ അയൽവാസിയായ ഗൃഹനാഥന്റെ വീട്ടിൽ അതിക്രമിച്ചുകയറി ആക്രമിച്ചത്. ഇവരുടെ സുഹൃത്തിൽനിന്ന് ഗൃഹനാഥൻ കടംവാങ്ങിയ പണം തിരിച്ചുകൊടുക്കാത്തതിലുള്ള വിരോധം മൂലമാണ് പ്രതികൾ സംഘം ചേർന്ന് ഗൃഹനാഥനെ ആക്രമിച്ചത്. ചിങ്ങവനം എസ്.എച്ച്.ഒ ജിജു ടി.ആർ, എസ്.ഐ അലക്സ്, സുദീപ്, സി.പി.ഒമാരായ മണികണ്ഠൻ, സംജിത് എന്നിവർ ചേർന്നാണ് പ്രതികളെ അറസ്റ്റ് ചെയ്തത്. ഇവരെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.