കോട്ടയം: എയർ പിസ്റ്റലുമായി വീട്ടിൽ അതിക്രമിച്ചുകയറി ഭീഷണിപ്പെടുത്തിയ കേസിൽ യുവാവ് അറസ്റ്റിൽ. പെരുമ്പായിക്കാട് മള്ളൂശ്ശേരി താഴെ പള്ളിൽ അനന്തു സത്യനെയാണ് (25) വെസ്റ്റ് പൊലീസ് അറസ്റ്റ് ചെയ്തത്. ഇയാൾ ബന്ധുകൂടിയായ അനീഷ് തമ്പിയെയാണ് വീട്ടിൽ കയറി കൈയില് കരുതിയിരുന്ന എയർ പിസ്റ്റലുമായി ഭീഷണിപ്പെടുത്തിയത്. ഇവർ തമ്മിൽ കുടുംബ പ്രശ്നങ്ങൾ നിലനിന്നിരുന്നു. പ്രതിക്കെതിരെ ഗാന്ധിനഗർ സ്റ്റേഷനിൽ അടിപിടി കേസ് നിലവിലുണ്ട്.
കോട്ടയം വെസ്റ്റ് സ്റ്റേഷൻ എസ്.എച്ച്.ഒ അനൂപ് കൃഷ്ണ, എസ്.ഐ ടി. ശ്രീജിത്ത്, സി.പി.ഒ മാരായ ദിലീപ് വർമ, വിഷ്ണു വിജയദാസ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. ഇയാളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.