അടച്ചിട്ട വീട്ടിൽനിന്ന്​ 40,000 രൂപയും ഒന്നരപ്പവന്‍റെ ആഭരണങ്ങളും കവർന്നു

മാ​വേ​ലി​ക്ക​ര: അ​ട​ച്ചി​ട്ട വീ​ട്ടി​ൽ​നി​ന്ന്​ 40,000 രൂ​പ​യും ഒ​ന്ന​ര​പ്പ​വ​ന്റെ സ്വ​ർ​ണാ​ഭ​ര​ണ​ങ്ങ​ളും മോ​ഷ​ണം​പോ​യി. കോ​ട്ട​യ്ക്ക​കം ജാ​ന​കി​മ​ന്ദി​രം ര​വി​കു​മാ​റി​ന്റെ വീ​ട്ടി​ലാ​ണ്​ ക​ഴി​ഞ്ഞ​ദി​വ​സം വെ​ളു​പ്പി​ന്​ മോ​ഷ​ണം ന​ട​ന്ന​ത്. ഹൈ​ദ​രാ​ബാ​ദി​ൽ മ​ക​ളു​ടെ വീ​ട്ടി​ലെ ച​ട​ങ്ങി​ൽ പ​ങ്കെ​ടു​ക്കാ​ൻ​പോ​യ കു​ടും​ബം തി​ങ്ക​ളാ​ഴ്ച ഉ​ച്ച​ക്ക് മ​ട​ങ്ങി​യെ​ത്തി​യ​പ്പോ​ഴാ​ണ്​ മോ​ഷ​ണം ന​ട​ന്ന​താ​യി മ​ന​സ്സി​ലാ​യ​ത്. വീ​ടി​ന്റെ മു​ൻ​വ​ശ​ത്തെ വാ​തി​ലി​ന്റെ താ​ഴ് ത​ക​ർ​ത്ത് അ​ക​ത്തു​ക​ട​ന്ന മോ​ഷ്ടാ​വ് അ​ല​മാ​ര​ക​ൾ കു​ത്തി​ത്തു​റ​ന്ന്​ സാ​ധ​ന​ങ്ങ​ൾ വ​ലി​ച്ചു​വാ​രി​യി​ട്ടു. വീ​ടി​നു​ള്ളി​ൽ സ്ഥാ​പി​ച്ച കാ​മ​റ​യി​ൽ മോ​ഷ്ടാ​വി​ന്റെ അ​വ്യ​ക്ത​മാ​യ ദൃ​ശ്യ​മു​ണ്ട്.

കാ​മ​റ ശ്ര​ദ്ധ​യി​ൽ​പ്പെ​ട്ട മോ​ഷ്ടാ​വ് ഇ​ത് ഓ​ഫ്ചെ​യ്ത ശേ​ഷ​മാ​ണ്​ മോ​ഷ​ണം ന​ട​ത്തി​യ​ത്. സ​മീ​പ​ത്തു​ത​ന്നെ താ​മ​സ​മി​ല്ലാ​ത്ത കോ​ട്ട​യ്ക്ക​കം പാ​യി​ക്കാ​ട്ട് പി.​എ. അ​യ്യ​പ്പ​ന്റെ വീ​ട്ടി​ലും മോ​ഷ്ടാ​ക്ക​ൾ ക​യ​റി​യി​ട്ടു​ണ്ട്. മു​ൻ​വ​ശ​ത്തെ വാ​തി​ൽ ത​ക​ർ​ത്താ​ണ്​ അ​ക​ത്തു​ക​ട​ന്ന​ത്. മൂ​ന്ന് അ​ല​മാ​ര​ക​ളും കു​ത്തി​ത്തു​റ​ന്ന്​ ന​ശി​പ്പി​ച്ചു. ഇ​വി​ടെ​നി​ന്ന് ഒ​ന്നും മോ​ഷ​ണം പോ​യി​ട്ടി​ല്ലെ​ന്ന്​ പൊ​ലീ​സ് പ​റ​ഞ്ഞു. പാ​യി​ക്കാ​ട്ട് വീ​ട്ടി​ൽ ഒ​ന്ന​ര​യോ​ടെ എ​ത്തി​യ മോ​ഷ്ടാ​വ് 2.30ന്​ ​തി​രി​കെ​യെ​ത്തി വാ​തി​ൽ പൊ​ളി​ക്കു​ക​യാ​യി​രു​ന്നു. കാ​മ​റ​യി​ൽ മോ​ഷ്ടാ​വ് എ​ത്തി​യ​തി​ന്റെ ദൃ​ശ്യം ക​ണ്ട​തി​നെ തു​ട​ർ​ന്ന്​ തി​രു​വ​ന​ന്ത​പു​ര​ത്ത്​ താ​മ​സി​ക്കു​ന്ന വീ​ട്ടു​കാ​രാ​ണ്​ പൊ​ലീ​സി​നെ ഫോ​ണി​ൽ വി​വ​രം അ​റി​യി​ച്ച​ത്.

ക​ഴി​ഞ്ഞ​യാ​ഴ്ച ത​ഴ​ക്ക​ര, വ​ഴു​വാ​ടി പ്ര​ദേ​ശ​ങ്ങ​ളി​ലെ വീ​ടു​ക​ളി​ൽ മോ​ഷ​ണ​വും മോ​ഷ​ണ​ശ്ര​മ​വും ന​ട​ന്നി​രു​ന്നു. ത​ഴ​ക്ക​ര​യി​ലെ ഒ​രു വീ​ട്ടി​ൽ ക​ട​ന്ന മോ​ഷ്ടാ​വ് 3000 രൂ​പ​യും അം​ഗ​ൻ​വാ​ടി​യി​ൽ​നി​ന്ന് മൊ​ബൈ​ൽ ഫോ​ണും മോ​ഷ്ടി​ച്ചി​രു​ന്നു.