യുവതിയെ ആക്രമിച്ച നാലംഗസംഘം പിടിയിൽ
മുണ്ടക്കയം: മദ്യപിച്ച് ബഹളംവെച്ചത് ചോദ്യംചെയ്ത യുവതിയെ ആക്രമിച്ച കേസില് നാലുപേർ അറസ്റ്റിൽ. എരുമേലി വണ്ടൻപതാൽ അരീക്കൽ വീട്ടിൽ വിഷ്ണുരാജൻ (21), വണ്ടൻപതാൽ കണ്ണങ്കേരിൽ വീട്ടിൽ സുധനീഷ് (20), വണ്ടൻപതാൽ പുതുപ്പറമ്പിൽ വീട്ടിൽ രഞ്ജിത് പി.എസ് (21), വണ്ടൻപതാൽ ഒറ്റപ്ലാക്കൽ വീട്ടിൽ രഞ്ജിത് രാജൻ (26) എന്നിവരെയാണ് മുണ്ടക്കയം പൊലീസ് അറസ്റ്റ് ചെയ്തത്. പ്രതികൾ കഴിഞ്ഞദിവസം പ്ലാന്റേഷൻ ഭാഗത്തുള്ള യുവതിയുടെ വീടിനുസമീപം ഇരുന്ന് മദ്യപിക്കുകയും പരസ്പരം ബഹളം ഉണ്ടാക്കുകയും ചെയ്തു. ഇത് ചോദ്യംചെയ്ത യുവതിയെയാണ് ഇവർ സംഘംചേർന്ന് ആക്രമിച്ചത്. മുണ്ടക്കയം എസ്.എച്ച്.ഒ ഷൈൻകുമാർ.എ, എസ്.ഐ അനീഷ് പി.എസ്, എ.എസ്.ഐമാരായ പി.കെ. ജോഷി, ആർ. രാജേഷ് എന്നിവര് ചേര്ന്നാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.