തിരുവനന്തപുരം: സംസ്ഥാനത്തെ സ്കൂൾ പാദവാർഷിക പരീക്ഷകൾ ആഗസ്റ്റ് 21ന് തുടങ്ങാൻ പൊതുവിദ്യാഭ്യാസ ഡയറക്ടർ കെ.വി. മോഹൻകുമാറിെൻറ അധ്യക്ഷതയിൽ ചേർന്ന ക്വാളിറ്റി ഇംപ്രൂവ്മെൻറ് പ്രോഗ്രാം (ക്യു.െഎ.പി) മോണിറ്ററിങ് യോഗം തീരുമാനിച്ചു. എട്ട്, ഒമ്പത്, പത്ത് ക്ലാസുകളിലെ പരീക്ഷ ആഗസ്റ്റ് 21, 22, 23, 24, 25, 29, 30 തീയതികളിലായി നടക്കും. ഒന്നുമുതൽ ഏഴ് വരെയുള്ള ക്ലാസുകളിലെ പരീക്ഷ 21, 22, 23, 24, 25, 29 തീയതികളിൽ നടക്കും. മുസ്ലിം കലണ്ടർ പ്രകാരമുള്ള സ്കൂളുകളിൽ ഒക്േടാബർ മൂന്ന്, നാല്, അഞ്ച്, ഏഴ്, ഒമ്പത്, പത്ത് തീയതികളിലായിരിക്കും പാദവാർഷിക പരീക്ഷ. അധ്യാപക ക്ലസ്റ്റർ യോഗം, അധ്യാപക ക്ലസ്റ്റർ പരിശീലനം എന്നിവ ആഗസ്റ്റ് അഞ്ചിന് നടക്കും.
ടേം മൂല്യനിർണയ ചോദ്യങ്ങൾ തയാറാക്കാനും അപ്ലോഡ് ചെയ്യാനും അധ്യാപകരെ ക്ലസ്റ്റർ പരിശീലനത്തിലൂടെ പ്രാപ്തരാക്കും.
ജൂലൈ 21, 22 തീയതികളിൽ സ്റ്റേറ്റ് റിസോഴ്സ് ഗ്രൂപ്, 29ന് ജില്ല റിസോഴ്സ് ഗ്രൂപ് എന്നിവക്കുള്ള പരിശീലനം നടക്കും. അധ്യാപകദിനത്തോടനുബന്ധിച്ച് ടി.ടി.െഎ, പി.പി.ടി.ടി.െഎ വിദ്യാർഥികൾക്കും അധ്യാപകർക്കുള്ള സംസ്ഥാനതല മത്സരങ്ങൾ ആഗസ്റ്റ് 26ന് നടത്തും. ഇതിന് മുന്നോടിയായി ജില്ല മത്സരങ്ങൾ നടത്തും. എൽ.പി, യു.പി സ്കൂൾ ഹെഡ്മാസ്റ്റർമാർക്കുള്ള മാനേജ്മെൻറ് പരിശീലനം ആഗസ്റ്റ് 18, 19, 25, 26 തീയതികളിൽ നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.