ന്യൂഡൽഹി: യൂനിയൻ പബ്ലിക് സർവിസ് കമീഷൻ സിവിൽ സർവിസസ് മെയിൻ പരീക്ഷയുടെ ഫലം പ്രസിദ്ധീകരിച്ചു.
www.upsc.gov.in ൽ ഫലമറിയാം. 2017 ഒക്ടോബർ 28നും നവംബർ മൂന്നിനുമിടയിലായിരുന്നു മെയിൻ പരീക്ഷ നടന്നത്. ഇന്ത്യൻ അഡ്മിനിസ്ട്രേറ്റിവ് സർവിസ്, ഇന്ത്യൻ ഫോറിൻ സർവിസ്, ഇന്ത്യൻ പൊലീസ് സർവിസ് തുടങ്ങി കേന്ദ്രസർക്കാർ സർവീസിലെ ഉന്നതപദവികളിലേക്കുള്ള പ്രവേശനപരീക്ഷയായ സിവിൽ സർവിസസ് പരീക്ഷ പ്രിലിമിനറി, മെയിൻസ്, ഇൻറർവ്യൂ എന്നിങ്ങനെ മൂന്ന് ഘട്ടങ്ങളായാണ് നടത്തുന്നത്.
മൂന്നാംഘട്ടമായ ഇൻറർവ്യൂ ഫെബ്രുവരി 19 മുതൽ ആരംഭിച്ചേക്കും. ജനുവരി 18 മുതൽ ഹാൾ ടിക്കറ്റ് ഡൗൺലോഡ് ചെയ്യാനാകും. യോഗ്യത നേടാത്ത ഉദ്യോഗാർഥികളുടെ മാർക്ക് ഷീറ്റുകൾ അന്തിമഫലം വന്ന് 15 ദിവസത്തിനകം വെബ്സൈറ്റിൽ അപ്ലോഡ് ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.