തിരുവനന്തപുരം: 2023-24 അധ്യയന വർഷത്തെ എം.ഡി.എസ് കോഴ്സ് പ്രവേശനത്തിനുള്ള യോഗ്യത മാനദണ്ഡത്തിൽ ഉളവ് വരുത്തിയതിനാൽ വെബ്സൈറ്റ് മുഖേന പുതുതായി അപേക്ഷ സമർപ്പിച്ച വിദ്യാർഥികൾക്ക് അവരുടെ പ്രൊഫൈൽ പരിശോധിക്കാനും അപേക്ഷയിലെ ന്യൂനതകൾ പരിഹരിക്കാനും ഒക്ടോബർ മൂന്നിന് വൈകീട്ട് മൂന്നുവരെ പ്രവേശന പരീക്ഷ കമീഷണറുടെ www.cee.kerala.gov.in വെബ്സൈറ്റിൽ അവസരം. ‘PG Dental 2023 - Candidate Portal’ ലിങ്കിൽ അപേക്ഷ നമ്പറും പാസ്വേഡും നൽകി ലോഗിൻ ചെയ്യാം. പ്രൊഫൈൽ പേജിൽ ലഭ്യമായ ‘Memo details’ മെനു ക്ലിക്ക് ചെയ്താൽ ന്യൂനത സംബന്ധിച്ച വിവരം ലഭിക്കും.
ന്യൂനതകൾ പരിഹരിക്കുന്നതിന് ആവശ്യമായ രേഖകൾ /സർട്ടിഫിക്കറ്റുകൾ എന്നിവ ഓൺലൈനായി അപ്ലോഡ് ചെയ്യണം. സർട്ടിഫിക്കറ്റുകളോ അനുബന്ധരേഖകളോ പ്രവേശന പരീക്ഷ കമീഷണറുടെ കാര്യാലയത്തിലേക്ക് അയക്കേണ്ടതില്ല. ഹെൽപ് ലൈൻ നമ്പർ: 0471 2525300.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.