ആയുർവേദം, ഹോമിയോപ്പതി അടക്കമുള്ള ആയുഷ് കോഴ്സുകളിൽ അധ്യാപകരാകുന്നതിനുള്ള യോഗ്യതാ നിർണയ പരീക്ഷയായ നാഷനൽ ടീച്ചേഴ്സ് എലിജിബിലിറ്റി ടെസ്റ്റ് (എൻ.ടി.ഇ.ടി-25) ജൂലൈ 17ന് നടത്തും. കേരളത്തിൽ കോഴിക്കോട്, കൊച്ചി, തിരുവനന്തപുരം നഗരങ്ങളിൽ പരീക്ഷാകേന്ദ്രങ്ങളുണ്ടാവും.
ആയുഷ് പോസ്റ്റ് ഗ്രാജുവേറ്റുകൾക്ക് ഈ കമ്പ്യൂട്ടർ അധിഷ്ഠിത പരീക്ഷയിൽ പങ്കെടുക്കാം. വിശദവിവരങ്ങൾ https://exams.nta.ac.in/NTET ൽ ലഭിക്കും. ഓൺലൈനിൽ ജൂൺ 23ന് രാത്രി 11.59 മണിവരെ രജിസ്റ്റർ ചെയ്യാം.
പരീക്ഷാഫീസ് ജനറൽ വിഭാഗത്തിന് 4000 രൂപ, ഒ.ബി.സി/ഇ.ഡബ്ല്യു.എസ് വിഭാഗങ്ങൾക്ക് 3500 രൂപ. എസ്.സി/എസ്.ടി/പി.ഡബ്ല്യു.ഡി/ട്രാൻസ്ജൻഡർ വിഭാഗങ്ങൾക്ക് 3000 രൂപ. ഫീസ് 24 വരെ സ്വീകരിക്കും. രജിസ്ട്രേഷനുള്ള മാർഗനിർദേശങ്ങൾ, പരീക്ഷ ഘടന, സിലബസ് അടക്കമുള്ള സമഗ്രവിവരങ്ങൾ വെബ്സൈറ്റിലെ വിവരണപത്രികയിലുണ്ട്. നാഷനൽ ടെസ്റ്റിങ് ഏജൻസിക്കാണ് പരീക്ഷാ ചുമതല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.