സ്വർണത്തിൽ നിക്ഷേപിക്കാൻ ആലോചിക്കുന്നുണ്ടോ? ഡിജിറ്റലായി നിക്ഷേപിക്കാനുള്ള വിവിധ വഴികൾ
സ്വർണവില കഴിഞ്ഞ കുറച്ച് ദിവസങ്ങളായി ഇടിവ് രേഖപ്പെടുത്തുകയാണ്. അതിനാൽ തന്നെ പലരും സ്വർണത്തിൽ നിക്ഷേപം നടത്തുന്നതിനെ കുറിച്ച് ആലോചിക്കുന്നുണ്ട്. അതിനുള്ള വഴികൾ അറിയാം.
സ്വർണത്തിൽ എങ്ങനെ നിക്ഷേപിക്കാം?
ഗോൾഡ് ഇ.ടി.എഫ്, ഗോൾഡ് മ്യൂച്വൽ ഫണ്ടുകൾ, കമ്മോഡിറ്റി എക്സ്ചേഞ്ച് മാർക്കറ്റ് എന്നീ വിവിധ മാർഗങ്ങളിലൂടെ സ്വർണത്തിൽ നിക്ഷേപം നടത്താൻ സാധിക്കും. നേരിട്ട് സ്വർണം വാങ്ങുകയോ സൂക്ഷിക്കുകയോ ചെയ്യാതെ ഓൺലൈനായി സ്വർണത്തിൽ നിക്ഷേപിക്കാൻ ഈ മാർഗങ്ങൾ സഹായിക്കുന്നു. ഗ്രോ പോലുള്ള പ്ലാറ്റ്ഫോമുകൾ വഴി ഇത്തരത്തിലുള്ള നിക്ഷേപം നടത്താം.
സ്വർണത്തിൽ നിക്ഷേപിക്കുന്നത് നല്ലതാണോ?
സ്വർണത്തിൽ നിക്ഷേപം നടത്തുന്നത് നല്ലൊരു ആശയമാണ്. ഇത് നിങ്ങളുടെ പോർട്ട്‌ഫോളിയോ വൈവിധ്യവത്കരിക്കാനും റിസ്ക് കുറക്കാനും സഹായിക്കുന്നു. വിപണിയിലെ ചാഞ്ചാട്ട സമയത്ത് സ്വർണം പലപ്പോഴും അതിന്റെ മൂല്യം നിലനിർത്തും. അതിനാൽ പണപ്പെരുപ്പത്തിനെതിരെ ഒരു സംരക്ഷണമായി പ്രവർത്തിക്കുകയും ചെയ്യുന്നു.
എവിടെ നിക്ഷേപിക്കാം?
ഗ്രോ പോലുള്ള സാമ്പത്തിക പ്ലാറ്റ്ഫോമുകൾ സ്വർണത്തിൽ നിക്ഷേപം നടത്താൻ സഹായിക്കുന്നുണ്ട്. ഇവിടെ ഗോൾഡ് ഇ.ടി.എഫ്, ഗോൾഡ് മ്യൂച്വൽ ഫണ്ടുകൾ, ഗോൾഡ് കമ്മോഡിറ്റികൾ എന്നിങ്ങനെ വിവിധ ഓപ്ഷനുകൾ ലഭ്യമാണ്.
ഭൗതികമായി സ്വർണം സൂക്ഷിക്കുന്നതിന്റെ ബുദ്ധിമുട്ടുകളില്ലാതെ സ്വർണ വില ട്രാക്ക് ചെയ്യാൻ ആഗ്രഹിക്കുന്ന ദീർഘകാല നിക്ഷേപകർക്ക് ഗോൾഡ് ഇ.ടി.എഫുകളും മ്യൂച്വൽ ഫണ്ടുകളും അനുയോജ്യമാണ്.എന്നാൽ ഹ്രസ്വകാല വിലമാറ്റങ്ങളിൽ നിന്നും ലാഭം നേടാൻ ആഗ്രഹിക്കുന്ന സജീവമായ ട്രേഡർമാർക്ക് എക്സ്ചേഞ്ച് കോൺട്രാക്ടുകൾ വഴി സ്വർണ കമ്മോഡിറ്റി മാർക്കറ്റിൽ നിക്ഷേപിക്കാം.
നിക്ഷേപത്തിനുള്ള മികച്ച മാർഗം
നിങ്ങളുടെ സാമ്പത്തിക ലക്ഷ്യങ്ങളെയും നിക്ഷേപ ശൈലിയെയും ആശ്രയിച്ചാണ് നിക്ഷേപം നടത്തേണ്ടത്. എങ്കിലും ദീർഘകാല നിക്ഷേപത്തിന് ഗോൾഡ് ഇ.ടി.എഫുകളും ഗോൾഡ് മ്യൂച്വൽ ഫണ്ടുകളുമാണ് മികച്ച ഓപ്ഷനായി കണക്കാക്കപ്പെടുന്നത്. ഹ്രസ്വകാല വിലമാറ്റങ്ങളിൽ നിന്നും ലാഭം നേടാൻ ആഗ്രഹിക്കുന്ന സജീവമായ നിക്ഷേപകർക്ക് ഗോൾഡ് കമ്മോഡിറ്റികളും തെരഞ്ഞെടുക്കാം.
ഗോൾഡ് ഇ.ടി.എഫിൽ എങ്ങനെ നിക്ഷേപിക്കാം?
സ്റ്റോക്കുകൾ പോലെ തന്നെ ഗോൾഡ് ഇ.ടി.എഫിൽ നിക്ഷേപിക്കാം. നിങ്ങളുടെ ഗ്രോഅക്കൗണ്ടിൽ ലോഗിൻ ചെയ്ത്, നിങ്ങൾ നിക്ഷേപിക്കാൻ ആഗ്രഹിക്കുന്ന ഗോൾഡ് ഇ.ടി.എഫ് തെരഞ്ഞെടുക്കുക. ഒറ്റത്തവണയായോ അല്ലെങ്കിൽ എസ്.ഐ.പി വഴി പതിവായോ നിക്ഷേപിക്കാം. തെരഞ്ഞെടുത്ത് കഴിഞ്ഞാൽ നിങ്ങളുടെ ഇഷ്ടത്തിനനുസരിച്ച് നിശ്ചിത അളവിൽ ഗോൾഡ് ഇ.ടി.എഫ് യൂനിറ്റുകൾ വാങ്ങാനുള്ള ഓർഡർ നൽകാവുന്നതാണ്.
ഗോൾഡ് മ്യൂച്വൽ ഫണ്ടിൽ എങ്ങനെ നിക്ഷേപിക്കാം?
നിങ്ങളുടെ ഗ്രോ അക്കൗണ്ട് വഴി നേരിട്ട് ഗോൾഡ് മ്യൂച്വൽ ഫണ്ടുകളിൽ നിക്ഷേപിക്കാം. അക്കൗണ്ടിൽ ലോഗിൻ ചെയ്ത്, നിങ്ങൾ ആഗ്രഹിക്കുന്ന ഫണ്ട് തെരഞ്ഞെടുക്കുക. ഗോൾഡ് ഇ.ടി.എഫ് പോലെ തന്നെ ഒറ്റത്തവണയായോ അല്ലെങ്കിൽ എസ്.ഐ.പി വഴി പതിവായോ നിക്ഷേപിക്കാവുന്നതാണ്. തെരഞ്ഞെടുത്താൽ നിക്ഷേപിക്കേണ്ട തുക നൽകി ഓർഡർ സ്ഥിരീകരിക്കാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.