ഒരു മാറ്റവുമില്ല; പെട്രോൾ-ഡീസൽ വില വീണ്ടും കൂട്ടി

കൊച്ചി: സംസ്ഥാനത്ത്​ ഇന്ധനവില വർധനവ്​ മാറ്റമില്ലാതെ തുടരുന്നു. തുടർച്ചയായ അഞ്ചാം ദിവസവും പെട്രോൾ-ഡീസൽ വില കൂട്ടി. പെട്രോൾ ലിറ്ററിന്​ 35 പൈസയും ഡീസലിന്​ 37 പൈസയുമാണ്​ വർധിപ്പിച്ചത്​. കോഴിക്കോട്​ ഒരു ലിറ്റർ പെട്രോളിന്​ 109.47 രൂപയും ഡീസലിന്​ 102.93 രൂപയുമാണ്​ വില.

തിരുവനന്തപുരത്ത്​ പെട്രോൾ വില 110 രൂപ കടന്നു. 110.81 രൂപയാണ്​ തിരുവനന്തപുരത്തെ പെട്രോൾ വില. ഡീസൽ വില 104.44 രൂപയുമായി വർധിച്ചു. കൊച്ചിയിൽ പെട്രോളിന്​ 108.87 രൂപയും ഡീസലിന്​ 102.73 രൂപയുമാണ്​ വില.

അതേസമയം, ഇന്ത്യ ഉപയോഗിക്കുന്ന ബ്രെന്‍റ്​ ക്രൂഡിന്‍റെ വില കുറഞ്ഞു. 0.39 ഡോളറിന്‍റെ കുറവാണ ്​രേഖപ്പെടുത്തിയത്​. 84.38 ഡോളറാണ്​ ആഗോള വിപണിയിലെ എണ്ണവില. 0.46 ശതമാനം കുറവാണ്​ രേഖപ്പെടുത്തിയത്​.