സംസ്ഥാനത്ത് സ്വർണവിലയിൽ വർധന

കോഴിക്കോട്: സംസ്ഥാനത്ത് സ്വർണവില കൂടി. പവന് 80 കൂടി 35,400 രൂപയായി. ഗ്രാമിന് 10 രൂപ കൂടി 4,425 രൂപയിലാണ് വ്യാപാരം പുരോഗമിക്കുന്നത്. ഈ മാസത്തെ ഏറ്റവും കൂടിയ വിലയാണ് ഇന്ന് രേഖപ്പെടുത്തിയത്.

വെള്ളിയാഴ്ച പവൻ വില 120 രൂപ കൂടി 35,200ൽ എത്തിയിരുന്നു. ശനിയാഴ്ച 35,320 രൂപയായിരുന്നു. ഞായറാഴ്ച ഈ വില തുടർന്നു.

ഈ മാസത്തെ ഏറ്റവും കുറഞ്ഞ വിലയായ 33,320 രൂപ ഏപ്രിൽ ഒന്നിന് രേഖപ്പെടുത്തിയിരുന്നു. 

സമ്പദ് വ്യവസ്ഥ പ്രതിസന്ധിയിലായ കോവിഡ് കാലത്ത്, സ്വർണത്തെ സുരക്ഷിത നിക്ഷേപമായി പരിഗണിച്ചതാണ് വില ഉയരാനുള്ള കാരണം.