ലഖ്നോ: ലുലു ഗ്രൂപ്പ് നോയിഡയിൽ ഹൈപ്പർ മാർക്കറ്റ് തുടങ്ങുന്നു. ഇതുകൂടാതെ ഘഠട്ടം ഘട്ടമായി അഞ്ച് നഗരങ്ങളിൽ ചെറുകിട മാളുകൾ തുടങ്ങുമെന്നും ലുലു ഗ്രൂപ്പ് അറിയിച്ചു. യു.പിയിൽ വൻ വികസനം ലക്ഷ്യമിട്ടാണ് ലുലു ഗ്രൂപ്പിന്റെ നീക്കങ്ങൾ. കമ്പനിയുടെ സീനിയർ എക്സിക്യൂട്ടീവാണ് പുതിയ പദ്ധതി പ്രഖ്യാപിച്ചത്.
കാൺപൂർ, ഗൊരഖ്പൂർ, വാരണാസി, പ്രയാഗ്രാജ്, ഝാൻസി എന്നിവിടങ്ങളിലാണ് പുതുതായി മാളുകൾ തുടങ്ങുന്നത്. നോയിഡയിൽ 15 ഏക്കറിലായിരിക്കും പുതിയ മാൾ തുടങ്ങുക. ലഖ്നോവിൽ ബിസിനസ് വർധിപ്പിക്കുന്നതിന്റെ ഭാഗമായി കൂടുതൽ സാറ്റ്ലൈറ്റ് സ്റ്റോറുകൾ തുടങ്ങാനും ലുലുവിന് പദ്ധതിയിട്ടുണ്ട്.
ലഖ്നോവിലെ ലുലുവിന്റെ ഹൈപ്പർമാർക്കറ്റിൽ ആയിരക്കണക്കിനാളുകളാണ് എത്തുന്നത്. പ്രതിദിനം 40,000 മുതൽ 50,000 വരെ ആളുകളാണ് ലുലുവിന്റെ ലഖ്നോവിലെ ഹൈപ്പർമാർക്കറ്റിലേക്ക് എത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.