ഇന്ധന വില വീണ്ടും വർധിച്ചു

ന്യൂഡൽഹി: രാജ്യത്ത് ഇന്ധന വില വീണ്ടും വർധിപ്പിച്ചു. പെട്രോൾ ലിറ്ററിന് 10 പൈസയും ഡീസൽ ലിറ്ററിന് 9 പൈസയുമാണ് വർധിച്ചത്.

ഡൽഹിയിൽ ഒരു ലിറ്റർ പെട്രോളിന് 82.16 രൂപയും ഡീസലിന് 73.87 രൂപ‍യുമാണ്. മുംബൈയിൽ പെട്രോളിന് 89.54 രൂപയും ഡീസലിന് 78.42 രൂപയുമാണ് വില.

ആഗസ്റ്റ് ഒന്നു മുതലാണ് ഇന്ധന വില വർധിപ്പിക്കാൻ എണ്ണ കമ്പനികൾ ആരംഭിച്ചത്. രൂപയുടെ മൂല്യം കുറഞ്ഞതും ഉയർന്ന എക്സൈസ് നികുതിയുമാണ് ഇന്ധന വില ഉയരാൻ കാരണമെന്ന് വിദഗ്ധർ ചൂണ്ടിക്കാട്ടുന്നു.