മുംബൈ: സർവീസ് ചാർജിെൻറ പേരിൽ മറ്റ് ബാങ്കുകൾ ഉപഭോക്താകളെ പിഴിയുേമ്പാൾ യാതൊരു വിധ അധിക ചാർജുകളുമില്ലാതെ സേവനം ലഭ്യമാക്കുകയാണ് പോസ്റ്റൽ പേയ്മെൻറ് ബാങ്ക് സംവിധാനം. ലളിതമായ നടപടി ക്രമങ്ങളിലൂടെ പോസ്റ്റൽ പേയ്മെൻറ് ബാങ്കിങ് സംവിധാനം ഉപയോഗപ്പെടുത്താം. ഇതിനായി അടുത്തുള്ള പോസ്റ്റ് ഒാഫീസിൽ സേവിങ്സ് അക്കൗണ്ട് ആരംഭിച്ചാൽ മതി.
ആധാർ ഉൾപ്പടെയുള്ള രേഖകളുമായി പോസ്റ്റ് ഒാഫീസിനെ സമീപിച്ചാൽ സേവിങ്സ് അക്കൗണ്ട് ആരംഭിക്കാം. 50 രൂപയാണ് അക്കൗണ്ടിൽ മിനിമം ബാലൻസായി വേണ്ടത്. അക്കൗണ്ട് ആരംഭിച്ചാൽ ആവശ്യമുള്ളവർക്ക് എ.ടി.എം കാർഡ് ലഭ്യമാവും. എ.ടി.എം ഇടപാടുകൾ എത് ബാങ്കിെൻറ കൗണ്ടർ വഴിയും നടത്താം. മറ്റ് ബാങ്കുകളിലേ പോലെ നിശ്ചിത ഇടപാടുകൾക്ക് ശേഷം ചാർജ് പോസ്റ്റൽ പേയ്മെൻറ് ബാങ്കിങ്ങിൽ ചുമത്തില്ല. മിക്ക ഇടപാടുകൾക്കും സർവീസ് ചാർജ് ചുമത്തുന്ന പതിവും പോസ്റ്റൽ പേയ്മെൻറ് ബാങ്കിനില്ല.
എന്നാൽ, പോസ്റ്റൽ പേയ്മെൻറ് ബാങ്കിങ് സംവിധാനത്തിൽ ഡെബിറ്റ് കാർഡുകൾ മാത്രമേ ലഭ്യമാവുകയുള്ളു ക്രെഡിറ്റ് കാർഡുകൾ ലഭിക്കില്ല. സാമാന്യം ഭേദപ്പെട്ട പലിശയും നിക്ഷേപങ്ങൾക്ക് ബാങ്ക് നൽകും. പോസ്റ്റൽ പേയ്മെൻറ് ബാങ്കിെൻറ മാതൃകയിൽ എയർടെല്ലും പേടിഎമ്മും ഇതിന് മുമ്പ് ബാങ്കിങ് സേവനം ആരംഭിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.