കോ​ഴി​ക്കോ​ട് ബസപകടം: ചികിത്സയിലായിരുന്നയാൾ മരിച്ചു

കോ​ഴി​ക്കോ​ട്: നഗര മധ്യത്തിൽ ബൈക്കിലിടിച്ച് ബസ് മറിഞ്ഞുണ്ടായിരുന്ന അപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു. കോഴിക്കോട് സ്വകാര്യ ആശുപത്രിയിൽ ചികിത്സയിലുണ്ടായിരുന്ന ബൈക് യാത്രികൻ മു​ഹ​മ്മ​ദ് സാ​നി​ഫാണ് (27) മരിച്ചത്.

ചൊ​വ്വാ​ഴ്ച വൈ​കീ​ട്ട് നാ​ലോ​ടെ​ കോ​ഴി​ക്കോ​ട്-​മാ​വൂ​ർ റൂ​ട്ടി​ൽ അരയിടത്തുപാലത്താണ് അപകടത്തിൽപെട്ടത്. പരിക്കേറ്റ 56 പേരെ നഗരത്തിലെ വിവിധ ആശുപത്രിയിൽ പ്രവേശിപ്പിക്കുകയായിരുന്നു.

നി​റ​യെ യാ​ത്ര​ക്കാ​രു​മാ​യി മാ​വൂ​രി​ലേ​ക്ക് പോയ കെ.​എ​ൽ -12 സി -6676 ​ന​മ്പ​ർ ‘വെ​ർ​ടെ​ക്സ്’ ബ​സ് മ​ർ​ക​സ് പ​ള്ളി​യു​ടെ ഭാ​ഗ​ത്തു​നി​ന്ന് മ​റ്റൊ​രു ബ​സി​ൽ ഉ​ര​സി​യി​രു​ന്നു.

തു​ട​ർ​ന്ന് അ​മി​ത വേ​ഗ​ത്തി​ൽ പോ​ക​വെ അ​ര​യി​ട​ത്തു​പാ​ലം മേ​ൽ​പാ​ല​ത്തി​ന് മു​ക​ളി​ൽ​നി​ന്ന് എ​തി​രെ​വ​ന്ന ബൈ​ക്കി​ൽ ഇ​ടി​ക്കു​ക​യാ​യി​രു​ന്നു. മു​ന്നി​ലു​ണ്ടാ​യി​രു​ന്ന കാ​റി​നെ മ​ടി​ക​ട​ക്ക​വെ​യാ​ണ് ബൈ​ക്ക് ബ​സി​ന് മു​ന്നി​ലെ​ത്തി​യ​തും കൂ​ട്ടി​യി​ടി​ച്ച​തും. ഇ​ടി​ച്ച​പാ​ടെ ബൈ​ക്ക് യാ​ത്രി​ക​ൻ തെ​റി​ച്ച് കാ​റി​ന് മു​ൻ​വ​ശ​ത്തേ​ക്ക് വീ​ഴു​ക​യും ബ​സ് ബൈ​ക്കി​ന് മു​ക​ളി​ലൂ​ടെ ക​യ​റി​യി​റ​ങ്ങു​ക​യും പി​ന്നാ​ലെ നി​യ​ന്ത്ര​ണം വി​ട്ട് മ​റി​യു​ക​യു​മാ​യി​രു​ന്നു.

ഒ​രു​വ​ശ​ത്തേ​ക്ക് മ​റി​ഞ്ഞ ബ​സ് റോ​ഡി​ലൂ​ടെ ഏ​റെ മു​ന്നോ​ട്ട് നി​ര​ങ്ങി​നീ​ങ്ങി​യാ​ണ് നി​ന്ന​തെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു. നി​ര​ങ്ങി​പ്പോ​യ ബ​സ് മേ​ൽ​പാ​ല​ത്തി​നോ​ട് ചേ​ർ​ന്നു​ള്ള ട്രാ​ഫി​ക് സി​ഗ്ന​ൽ തൂ​ൺ ത​ക​ർ​ത്തു. താ​ഴെ​ഭാ​ഗ​ത്തെ റോ​ഡി​ലൂ​ടെ അ​ര​യി​ട​ത്തു​പാ​ലം ജ​ങ്ഷ​നി​ലേ​ക്ക് ചെ​റു വാ​ഹ​ന​ങ്ങ​ൾ ക​ട​ന്നു​വ​രു​മ്പോ​ഴാ​ണ് തൂ​ൺ നി​ലം​പൊ​ത്തി​യ​ത്. ഭാ​ഗ്യ​വ​ശാ​ലാ​ണ് തൂ​ൺ വാ​ഹ​ന​ങ്ങ​ൾ​ക്ക് മു​ക​ളി​ൽ പ​തി​ക്കാ​തി​രു​ന്ന​ത്.

സ​മീ​പ​മു​ള്ള​വ​രും ഓ​ടി​യെ​ത്തി​യ​വ​രും പൊ​ലീ​സു​കാ​രും ചേ​ർ​ന്നാ​ണ് ബ​സി​നു​ള്ളി​ൽ​നി​ന്ന് യാ​ത്ര​ക്കാ​രെ പു​റ​ത്തെ​ടു​ത്ത​ത്. അ​പ​ക​ട​ത്തി​ൽ ബ​സും ബൈ​ക്കും പൂ​ർ​ണ​മാ​യും ത​ക​ർ​ന്നു. വി​ര​ലി​ലെ​ണ്ണാ​വു​ന്ന യാ​ത്രി​ക​രൊ​ഴി​കെ ബ​സി​ലെ ജീ​വ​ന​ക്കാ​ര​ട​ക്കം എ​ല്ലാ​വ​ർ​ക്കും പ​രി​ക്കു​ണ്ട്. 

കൈ​മെ​യ് മ​റ​ന്ന് ര​ക്ഷാ​പ്ര​വ​ർ​ത്ത​നം; ആ​ശു​പ​ത്രി​യി​ലെ​ത്തി​ച്ച​ത് അ​തി​വേ​ഗം

കോ​ഴി​ക്കോ​ട്: അ​ര​യി​ട​ത്തു​പാ​ല​ത്ത് ബൈ​ക്കു​മാ​യി കൂ​ട്ടി​യി​ടി​ച്ച് നി​യ​ന്ത്ര​ണം വി​ട്ട ബ​സ് മ​റി​ഞ്ഞു​ണ്ടാ​യ അ​പ​ക​ട​ത്തി​ൽ ന​ട​ന്ന​ത് കൈ​മെ​യ് മ​റ​ന്നു​ള്ള കൂ​ട്ടാ​യ ര​ക്ഷാ​പ്ര​വ​ർ​ത്ത​നം. ഞെ​ട്ട​ലോ​ടെ​യു​ണ്ടാ​യ അ​പ​ക​ടം ന​ട​ന്ന ഉ​ട​ൻ​ത​ന്നെ ബ​സി​നു​ള്ളി​ലു​ള്ള​വ​രു​ടെ കൂ​ട്ട​നി​ല​വി​ളി​യാ​യി​രു​ന്നു. ആ​ദ്യം ബ​സി​ന​ടു​ത്തേ​ക്ക് ഓ​ടി​യെ​ത്തി​യ​ത് സ​മീ​പ​ത്തെ ഷെ​ഡി​ൽ ഇ​രി​ക്കു​ക​യാ​യി​രു​ന്ന പോ​ർ​ട്ട​ർ​മാ​രാ​ണ്. പി​ന്നാ​ലെ ബ​സ് സ്റ്റോ​പ്പി​ൽ നി​ൽ​ക്കു​ന്ന​വ​രും സ​മീ​പ​ത്തെ വ്യാ​പാ​ര​സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രും എ​ത്തി. മ​റി​ച്ചി​ലി​ൽ​ത​ന്നെ ബ​സി​ന്റെ മു​ൻ​വ​ശ​ത്തെ​യും പി​ൻ​വ​ശ​​ത്തെ​യും ചി​ല്ലു​ക​ൾ ത​ക​ർ​ന്നി​രു​ന്നു. ഇ​തു​വ​ഴി​യാ​ണ് യാ​ത്ര​ക്കാ​രെ പു​റ​ത്തി​റ​ക്കി​യ​തെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു.

ഓ​ട്ടോ അ​ട​ക്കം കി​ട്ടാ​വു​ന്ന വാ​ഹ​ന​ങ്ങ​ളി​ലാ​ണ് ആ​ദ്യം ആ​ളു​ക​ളെ ആ​ശു​പ​ത്രി​യി​ലെ​ത്തി​ച്ച​ത്. പെ​ട്ടെ​ന്നു​ത​ന്നെ ക​ൺ​ട്രോ​ൾ റൂ​മി​ൽ​നി​ന്ന് വി​വ​ര​മ​റി​യി​ച്ച​തി​നെ​തു​ട​ർ​ന്ന് മെ​ഡി​ക്ക​ൽ കോ​ള​ജ്, ന​ട​ക്കാ​വ്, ക​സ​ബ, ട്രാ​ഫി​ക് ഉ​ൾ​പ്പെ​ടെ സ്റ്റേ​ഷ​നു​ക​ളി​ലെ പൊ​ലീ​സു​കാ​ർ സ്ഥ​ല​ത്തെ​ത്തി. ആം​ബു​ല​ൻ​സു​ക​ളും എ​ത്തി​ച്ചു. തു​ട​ർ​ന്ന് ര​ക്ഷാ​ദൗ​ത്യ​ത്തി​ന്റെ നേ​തൃ​ത്വം പൊ​ലീ​സ് ഏ​റ്റെ​ടു​ത്തു. പ​രി​ക്കേ​റ്റ​വ​രി​ൽ കൂ​ടു​ത​ൽ പേ​രെ​യും സ​മീ​പ​ത്തെ ​ബേ​ബി മെ​മ്മോ​റി​യ​ൽ ആ​ശു​പ​ത്രി​യി​ലാ​ണ് എ​ത്തി​ച്ച​ത്. വ​ലി​യ അ​പ​ക​ട​മാ​ണ് എ​ന്ന​തി​നാ​ൽ പൊ​ലീ​സ് ആ​ശു​പ​ത്രി​ക​ളി​ലേ​ക്ക് സ​ജ്ജീ​ക​ര​ണ​ങ്ങ​ളൊ​രു​ക്കാ​ൻ അ​ടി​യ​ന്ത​ര സ​ന്ദേ​ശം ന​ൽ​കി​യി​രു​ന്നു.

​മേ​ൽ​പാ​ല​ത്തി​ലേ​ക്ക് മ​റ്റു​വാ​ഹ​ന​ങ്ങ​ൾ പ്ര​വേ​ശി​ക്കു​ന്ന​ത് ത​ട​യു​ക​യും മെ​ഡി​ക്ക​ൽ കോ​ള​ജ് റൂ​ട്ടി​ൽ ഗ​താ​ഗ​തം നി​യ​ന്ത്രി​ക്കു​ക​യും ചെ​യ്ത​ത് ര​ക്ഷാ​ദൗ​ത്യം സു​ഗ​മ​മാ​ക്കി. ഭ​യാ​ന​ക​മാ​യ അ​പ​ക​ട​ത്തെ​തു​ട​ർ​ന്ന് നൂ​റു​ക​ണ​ക്കി​നാ​ളു​ക​ളാ​ണ് സ്ഥ​ല​ത്ത് ത​ടി​ച്ചു​കൂ​ടി​യ​ത്. മ​റി​ഞ്ഞ ബ​സി​ൽ​നി​ന്ന് ഇ​ന്ധ​ന ചോ​ർ​ച്ച​യു​ണ്ടാ​യി തീ​പ​ട​ർ​ന്നേ​ക്കാ​മെ​ന്ന​ത് മു​ൻ​നി​ർ​ത്തി ബീ​ച്ച് ഫ​യ​ർ ഫോ​ഴ്സി​ൽ​നി​ന്ന് യൂ​നി​റ്റി​നെ എ​ത്തി​ച്ച് സ​ജ്ജ​മാ​ക്കി​യ​ശേ​ഷ​മാ​ണ് ബ​സ് ക്രെ​യി​നു​ക​ൾ ഉ​പ​യോ​ഗി​ച്ച് നി​വ​ർ​ത്തി​യ​തും പി​ന്നീ​ട് റോ​ഡി​ൽ​നി​ന്ന് മാ​റ്റി​യ​തും.