കു​റ്റ്യാ​ടി തേ​ങ്ങ; ഉ​ൽ​പാ​ദ​ന​കേ​ന്ദ്ര​ത്തി​ൽ നി​ന്നു​ത​ന്നെ മുളപ്പിച്ചു മ​രു​തോ​ങ്ക​ര ഗ്രാ​മ​പ​ഞ്ചാ​യ​ത്ത്

കു​റ്റ്യാ​ടി: കു​റ്റ്യാ​ടി തേ​ങ്ങ ഉ​ൽ​പാ​ദ​ന​കേ​ന്ദ്ര​ത്തി​ൽ നി​ന്നു​ത​ന്നെ മു​ള​പ്പി​ച്ച് തെ​ങ്ങി​ൻ​തൈ ഉ​ൽ​പാ​ദി​പ്പി​ക്കാ​ൻ മ​രു​തോ​ങ്ക​ര ഗ്രാ​മ​പ​ഞ്ചാ​യ​ത്ത്. ഹ​രി​ത ക​ർ​മ​സേ​ന​യു​ടെ ബാ​ന​റി​ലാ​ണ് ഗു​ണ​മേ​ന്മ​യി​ലും ഉ​ൽ​പാ​ദ​ന​ത്തി​ലും മു​ൻ​പ​ന്തി​ലു​ള്ള നാ​ട​ൻ ഇ​നം കു​റ്റ്യാ​ടി തേ​ങ്ങ​യു​ടെ വി​പ​ണി​മൂ​ല്യം തി​രി​ച്ചു​പി​ടി​ക്കാ​നാ​യി പ​ദ്ധ​തി ന​ട​പ്പാ​ക്കു​ന്ന​ത്.

ഏ​ഴാ​യി​ര​ത്തി​ൽ​പ​രം വി​ത്തു​തേ​ങ്ങ​ക​ളാ​ണ് കോ​തോ​ട് തോ​ട്ട​ത്തി​ൽ പാ​കി​യി​രി​ക്കു​ന്ന​ത്. പ​ഞ്ചാ​യ​ത്തി​ലെ നാ​ളി​കേ​ര ക​ർ​ഷ​ക​രി​ൽ​നി​ന്ന് 50 രൂ​പ​ക്കാ​ണ് തേ​ങ്ങ ശേ​ഖ​രി​ച്ച​ത്. തൈ​ക​ൾ അ​ടു​ത്ത വ​ർ​ഷം ക​ർ​ഷ​ക​രു​ടെ കൃ​ഷി​യി​ട​ങ്ങ​ളി​ൽ തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി ന​ട്ടു​കൊ​ടു​ക്കും.

മ​ല​യോ​ര പ​ഞ്ചാ​യ​ത്തു​ക​ളാ​യ മ​രു​തോ​ങ്ക​ര, കാ​വി​ലു​മ്പാ​റ എ​ന്നി​വി​ട​ങ്ങ​ളി​ൽ​നി​ന്നാ​ണ് സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ വി​ത്ത് നാ​ളി​കേ​രം സം​ഭ​രി​ക്കു​ന്ന​ത്. ഇ​വി​ടെ കൃ​ഷി വ​കു​പ്പി​ന്റെ ഫാം ​തു​ട​ങ്ങ​ണ​മെ​ന്ന ആ​വ​ശ്യം തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. കൃ​ഷി വ​കു​പ്പ് സം​ഭ​രി​ക്കു​ന്ന വി​ത്തു​തേ​ങ്ങ സം​സ്ഥാ​ന​ത്തി​ന്റെ വി​വി​ധ ഭാ​ഗ​ങ്ങ​ളി​ലെ ഫാ​മു​ക​ളി​ലേ​ക്ക് ക​യ​റ്റി അ​യ​ച്ച് മു​ള​പ്പി​ച്ച് ഇ​വി​ടേ​ക്കു​ത​ന്നെ തി​രി​ച്ചു​വ​രു​ന്ന സ്ഥി​തി​യാ​ണ്. കൃ​ഷി വ​കു​പ്പി​ന് ചെ​ല​വു​ചു​രു​ക്കാ​ൻ ക​ഴി​യു​ന്ന പ​ദ്ധ​തി​യാ​യി​ട്ടും ഇ​വി​ടെ ഫാം ​തു​ട​ങ്ങു​ന്നി​ല്ല. ഈ ​സാ​ഹ​ച​ര്യ​ത്തി​ലാ​ണ് പ​ഞ്ചാ​യ​ത്ത് പു​തി​യ പ​ദ്ധ​തി​യു​മാ​യി മു​ന്നോ​ട്ടു​വ​ന്ന​ത്.