ബെയ്ജിങ്: വിവാഹിതയായി ഒരു വർഷം ഗർഭിണിയാകാൻ കാത്തിരുന്ന് പരാജയപ്പെട്ട യുവതി അവസാനം പരിശോധന നടത്തിയപ്പോഴറിഞ്ഞു, ജനിച്ചത് പുരുഷനായാണെന്ന്. ശാരീരികമായി സ്ത്രീയെ പോലെയിരിക്കുകയും ലൈംഗികാവയവങ്ങളുൾപെടെ സ്ത്രീയുടെത് ആകുകയും ചെയ്ത 26കാരിക്കാണ് ഞെട്ടിക്കുന്ന യാഥാർഥ്യം വൈകിമാത്രം അറിയേണ്ടിവന്നത്. പുരുഷന്മാർക്ക് മാത്രമായ വൈ ക്രോമസോമുകളുമായി പിറന്ന ഇവരിൽ ഗർഭപാത്രവും ബീജ കോശങ്ങളും ഉണ്ടായിരുന്നില്ല. പുറമെ പുരുഷന്മാർക്ക് കൂടുതലായി വളരുന്ന കണ്ഠമുഴയും ചെറുതായാണ് ഉണ്ടായിരുന്നത്.
ചെറുപ്പം മുതൽ പെൺകുട്ടിയായി ജീവിക്കുന്ന ഇവർ വിവാഹിതയുമായി. അടുത്തിടെ കാലിലേറ്റ മുറിവിനെ തുടർന്ന് നടത്തിയ എക്സ് റേയിലാണ് എല്ലാം വെളിപ്പെട്ടുതുടങ്ങിയത്.
എല്ലാം മാറിമറിഞ്ഞ സാഹചര്യത്തിൽ ഇനി ശരിക്കും പുരുഷനായാലോ എന്ന് ആലോചിക്കുകയാണ്.
ഒരിക്കൽ പോലും ആർത്തവം വരാത്തതിനെ തുടർന്ന് നേരത്തെ ഡോക്ടറെ കണ്ടിരുന്നുവെങ്കിലും അൽപം വൈകിയാലും ഉണ്ടാകുമെന്ന് ആശ്വസിപ്പിക്കുകയായിരുന്നുവെന്ന് മാതാവ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.