പേമാരി, പ്രളയം: ലിബിയയിൽ മരണം 5200 കടന്നു

ട്രി​പ​ളി: ഡാ​നി​യ​ൽ കൊ​ടു​ങ്കാ​റ്റി​​നെ തു​ട​ർ​ന്നു​ണ്ടാ​യ പേ​മാ​രി ദു​​ര​ന്ത​ത്തി​ൽ ലി​ബി​യ​യി​ൽ 5200 പേ​ർ മ​രി​ച്ചു. കി​ഴ​ക്ക​ൻ ലി​ബി​യ​യി​ൽ പ​തി​നാ​യി​ര​ത്തോ​ളം പേ​രെ കാ​ണാ​താ​യി. ഡെ​ർ​ന​യി​ലാ​ണ് ഏ​റ്റ​വു​മ​ധി​കം ദു​രി​ത​മു​ണ്ടാ​യ​ത്. ഇ​വി​ടെ​മാ​ത്രം മ​ര​ണം ആ​യി​ര​ത്തി​ല​ധി​കം വ​രും.

ക​ട​ലോ​ര ന​ഗ​ര​ങ്ങ​ളി​ൽ​നി​ന്ന് മൃ​ത​ദേ​ഹ​ങ്ങ​ൾ ക​ണ്ടെ​ടു​ക്കാ​നും ര​ക്ഷാ​പ്ര​വ​ർ​ത്ത​ന​ത്തി​നും അ​ധി​കൃ​ത​ർ ക​ഷ്ട​പ്പെ​ടു​ക​യാ​ണ്. ഡെ​ർ​ന​യി​ൽ പ​ല​യി​ട​ത്തും പേ​മാ​രി​യി​ൽ അ​ണ​ക്കെ​ട്ടു​ക​ൾ പൊ​ട്ടി ന​ഗ​ര​ങ്ങ​ളി​ൽ വെ​ള്ള​പ്പാ​ച്ചി​ലു​ണ്ടാ​യി. ഗ്രാ​മ​ങ്ങ​ളും ന​ഗ​ര​ങ്ങ​ളും ഒ​രു​പോ​ലെ മു​ങ്ങി.

ചി​ല ജ​ന​വാ​സ​കേ​ന്ദ്ര​ങ്ങ​ൾ ഒ​ന്നാ​കെ ഒ​ലി​ച്ചു​പോ​യി. വ​ൻ ദു​ര​ന്ത​ത്തി​നാ​ണ് ലി​ബി​യ സാ​ക്ഷ്യം വ​ഹി​ക്കു​ന്ന​തെ​ന്നും മ​ര​ണ​സം​ഖ്യ ഇ​നി​യും ഉ​യ​രു​മെ​ന്നും റെ​ഡ് ക്രോ​സ്-​റെ​ഡ് ക്ര​സ​ന്റ് സൊ​സൈ​റ്റി​യി​ലെ ലി​ബി​യ പ്ര​തി​നി​ധി ടെ​യ്മ​ർ റ​മ​ദാ​ൻ പ​റ​ഞ്ഞു. ഡെ​ർ​ന​യി​ലെ ദു​ര​ന്തം രാ​ജ്യ​ത്തി​ന് കൈ​കാ​ര്യം ചെ​യ്യാ​നാ​വു​ന്ന​തി​ല​പ്പു​റ​മാ​ണെ​ന്ന് കി​ഴ​ക്ക​ൻ ലി​ബി​യ​ൻ പ്ര​ധാ​ന​മ​ന്ത്രി ഉ​സാ​മ ഹ​മ​ദ് പ​റ​ഞ്ഞു.

പ്ര​ധാ​ന ന​ഗ​ര​മാ​യ ബെ​ൻ​ഗാ​സി​യി​ൽ ആ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ പ്ര​ദേ​ശ​ത്തെ സ്കൂ​ളു​ക​ളി​ലും സ​ർ​ക്കാ​ർ കെ​ട്ടി​ട​ങ്ങ​ളി​ലും അ​ഭ​യം തേ​ടി​യി​രി​ക്കു​ക​യാ​ണ്. ക​ഴി​ഞ്ഞ​ദി​വ​സം ഒ​രൊ​റ്റ ഖ​ബ​ർ​സ്ഥാ​നി​ൽ മാ​ത്രം 200​പേ​രെ ഖ​ബ​റ​ട​ക്കി​യെ​ന്ന് ഡെ​ർ​ന​യി​ലെ തൊ​ഴി​ലാ​ളി​ക​ൾ പ​റ​ഞ്ഞു.

ത​ല​സ്ഥാ​ന​മാ​യ ട്രി​പ​ളി​യി​ൽ​നി​ന്ന് 900 കി​ലോ​മീ​റ്റ​ർ കി​ഴ​ക്കാ​ണ് ഡെ​ർ​ന. കി​ഴ​ക്ക​ൻ ലി​ബി​യ​ൻ സ​ർ​ക്കാ​ർ അ​നു​കൂ​ലി​യാ​യ സൈ​നി​ക ക​മാ​ൻ​ഡ​ർ ഖ​ലീ​ഫ ഹി​ഫ്ത​റാ​ണ് ഇ​വി​ടം ഭ​രി​ക്കു​ന്ന​ത്. പ​ത്തു വ​ർ​ഷ​ത്തി​ല​ധി​കം നീ​ണ്ട സം​ഘ​ർ​ഷ​ങ്ങ​ളെ തു​ട​ർ​ന്ന് പ​ര​സ്പ​രം പോ​ര​ടി​ച്ചു​നി​ൽ​ക്കു​ന്ന ര​ണ്ട് ഭ​ര​ണ​കൂ​ട​ങ്ങ​ളാ​ണ് ഇ​പ്പോ​ൾ വ​ട​ക്ക​ൻ ആ​ഫ്രി​ക്ക​ൻ രാ​ജ്യ​മാ​യ ലി​ബി​യ​യെ ന​യി​ക്കു​ന്ന​ത്.