യു.കെയിൽ ജൂനിയർ ഡോക്ടർമാർ പണിമുടക്ക് ആരംഭിച്ചു

ലണ്ടൻ: വേതനവർധന ആവശ്യപ്പെട്ട് യു.കെയിൽ ജൂനിയർ ഡോക്ടർമാരുടെ നാലു ദിവസത്തെ പണിമുടക്ക് ആരംഭിച്ചു. രാജ്യത്തെ പൊതുജനാരോഗ്യ മേഖലയുടെ നട്ടെല്ലായ ജൂനിയർ ഡോക്ടർമാരുടെ സമരം ശനിയാഴ്ച രാവിലെ ഏഴുവരെ നീണ്ടുനിൽക്കും.

നാഷനൽ ഹെൽത്ത് സർവിസിലെ ഡോക്ടർമാരിൽ പകുതിയോളം ജൂനിയർ ഡോക്ടർമാരാണ്. പണിമുടക്കിനെത്തുടർന്ന് മുൻകൂട്ടി നിശ്ചയിച്ച മൂന്നര ലക്ഷത്തോളം ശസ്ത്രക്രിയകളും മറ്റ് ചികിത്സകളും മാറ്റിവെക്കേണ്ടി വരുമെന്ന് അധികൃതർ പറഞ്ഞു.