ഇസ്ലമാബാദ്: ഇന്ത്യയുമായുള്ള യുദ്ധം ഒഴിവാക്കിയത് ശരിയായ സമയത്തുള്ള ശരിയായ തീരുമാനമാണെന്ന് പാകിസ്താൻ പ് രധാനമന്ത്രി ഇംറാൻ ഖാൻ. പാകിസ്താൻ തെഹരീക് ഇ ഇൻസാഫ് പാർട്ടിയുടെ യോഗത്തിലാണ് ഇംറാെൻറ പരാമർശം. ജിയോ ന്യൂസാണ് ഇതുമായി ബന്ധപ്പെട്ട വാർത്ത റിപ്പോർട്ട് ചെയ്തത്.
അതേസമയം, ഇന്ത്യൻ വ്യേമസേന വിങ് കമാൻഡർ അഭിനന്ദൻ വർധമാനെ വിട്ടയച്ചതുമായി ബന്ധപ്പെട്ട് പാക് വിദേശകാര്യമന്ത്രി ഷാ മുഹമ്മദ് ഖുറേഷി പ്രസ്താവന നടത്തി. അഭിനന്ദ് വർധമാനെ വിട്ടയക്കുന്നതിനെ കുറിച്ച് ചർച്ച നടത്തുകയും പാകിസ്താെൻറ താൽപര്യം മുൻ നിർത്തി തീരുമാനിക്കുകയുമായിരുന്നെന്ന് ഖുറേഷി പറഞ്ഞു. സംഘർഷങ്ങൾ ഒഴിവാക്കുകയാണെന്ന ശക്തമായ സന്ദേശം നൽകാൻ അത് സഹായിക്കുമെന്ന് പ്രതീക്ഷയുണ്ടായിരുന്നെന്നും ഖുറേഷി വ്യക്തമാക്കി.
പുൽവാമയിൽ ജെയ്ശെ മുഹമ്മദ് നടത്തിയ ഭീകരാക്രമണത്തിൽ 40 സൈനികർ കൊല്ലപ്പെട്ടതോടെയാണ് ഇന്ത്യയും പാകിസ്താനും തമ്മിലുള്ള ബന്ധം വഷളായത്. തുടർന്ന് ഇന്ത്യ ബാലാക്കോട്ടിൽ വ്യോമാക്രണം നടത്തിയതോടെ ബന്ധം കൂടുതൽ മോശമായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.