ഇസ്ലാമാബാദ്: പാകിസ്താനോടുള്ള ശത്രുതാ മനോഭാവത്തില്‍ യു.എസ് ഇന്ത്യയെ കടത്തിവെട്ടിയതായി ജമാഅത്തുദ്ദഅ്വ തലവന്‍ ഹാഫിസ് സഈദ്. ബലൂചിസ്താനില്‍ അഫ്ഗാന്‍ താലിബാന്‍ നേതാവ് മുല്ലാ അഖ്തര്‍ മന്‍സൂറിനെ കൊലപ്പെടുത്തിയ ഡ്രോണ്‍ ആക്രമണം നടത്തിയത് പാകിസ്താന്‍െറ പ്രതികരണം അറിയാനായിരുന്നു. പാകിസ്താന്‍െറ ആണവപദ്ധതിയാണ് യു.എസ് ലക്ഷ്യമിടുന്നത്. ഇന്ത്യയുടെയും ഇസ്രായേലിന്‍െറയും സഹായത്തോടെ പദ്ധതി തകര്‍ക്കുകയാണ് യു.എസ് ലക്ഷ്യമെന്നും ഹാഫിസ് സഈദ് പറഞ്ഞു.
ബലൂചിസ്താനിലെ ആക്രമണത്തിനെതിരായ പ്രതിഷേധം കഴിഞ്ഞദിവസം യു.എസിന്‍െറ ഉന്നത പ്രതിനിധിസംഘത്തെ പാകിസ്താന്‍ അറിയിച്ചിരുന്നു. ഇതിന് പിന്നാലെയാണ് ഹാഫിസ് സഈദിന്‍െറ പ്രതികരണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.