ദൊദോമ: കിഴക്കന്‍ ആഫ്രിക്കന്‍ രാജ്യമായ താന്‍സനിയയില്‍ സാമാന്യം ശക്തമായി അനുഭവപ്പെട്ട ഭൂചലനത്തില്‍ 13 പേര്‍ മരിച്ചു. 200ലധികം പേര്‍ക്ക് പരിക്കേറ്റു. വടക്കന്‍ നഗരമായ ബുകോബയിലാണ് റിക്ടര്‍ സ്കെയിലില്‍ 5.7 തീവ്രത രേഖപ്പെടുത്തിയ ചലനമുണ്ടായത്.
മുക്കാല്‍ ലക്ഷത്തോളം പേര്‍ അധിവസിക്കുന്ന നഗരമാണിത്. ഏതാനും കെട്ടിടങ്ങള്‍ പൂര്‍ണമായും തകര്‍ന്നിട്ടുണ്ട്. ചലനത്തിന്‍െറ പ്രകമ്പനങ്ങള്‍ കെനിയയിലും അനുഭവപ്പെട്ടതായി റിപ്പോര്‍ട്ടുകളുണ്ട്. ഭൂകമ്പത്തിന് അതീവ സാധ്യതയുള്ള ഭ്രംശമേഖലയാണിത്. 2007ലും ഇവിടെ അതിശക്തമായ ഭൂചലനമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.